नागपूर: निर्णय चुकल्यानं रुग्णालयातील पर्यवेक्षकाची आत्महत्या

नागपूर: आयुष्यात योग्य निर्णय घेऊ शकलो नाही. मी तणावात आहे. त्यामुळे आत्महत्या करीत आहे. माझ्या आत्महत्येला कोणीही जबाबदार नाही, अशा आशयाची चिठ्ठी लिहून मेडिकल कॉलेज हॉस्पिटलमधील रेडिओ थेरपी विभागात कार्यरत पर्यवेक्षकाने गळफास घेऊन आत्महत्या केली. श्रीनगरमधील इंगोले-ले-आऊट येथे रविवारी रात्री ११. ४५ वाजताच्या सुमारास ही घटना उघडकीस आली.

अनुराग अशोक तिवारी (वय २८) असे आत्महत्या केलेल्या पर्यवेक्षकाचे नाव आहे. अनुरागने रविवारी रात्री छताच्या लोखंडी हुकला दोरी बांधून गळफास घेतला. वडील व भावाला अनुराग हा गळफास घेतलेल्या अवस्थेत दिसला. त्यांनी अनुराग याच्या गळ्यातील दोरीचा फास काढून खाली उतरवले. त्यानंतर खासगी हॉस्पिटलमध्ये नेले. तेथील डॉक्टरांनी तपासल्यानंतर अनुरागला मृत घोषित केले. घटनेची माहिती मिळताच मानकापूर पोलीस ठाण्याचे उपनिरीक्षक कैलास मगर तेथे पोहोचले. पंचनामा केल्यानंतर अनुरागने आत्महत्या करण्यापूर्वी लिहून ठेवलेली चिठ्ठी पोलिसांनी ताब्यात घेतली. तो नेमक्या कोणत्या कारणाने तणावात होता, हे कळू शकले नाही. मानकापूर पोलिसांनी या प्रकरणी आकस्मिक मृत्यूची नोंद केली आहे.

पुणे: २ मुलांसह महिलेनं विहिरीत मारली उडी; ७ वर्षांच्या मुलाचा मृत्यू

व्हॉट्सअॅप, टिकटॉक, इन्स्टाग्रामवरून अफवा; ३५२ गुन्हे दाखल