वडिलांच्या विरहात १९ वर्षीय मुलीनं केली आत्महत्या

नागपूर : वडिलांच्या विरहात १९वर्षीय मुलीने गळफास घेऊन आत्महत्या केली. ही धक्कादायक घटना धंतोलीतील चितळे मार्गावरील निर्मल अपार्टमेंट येथे उघडकीस आली.

शिवानी प्रशांत टेकाडे असे मृताचे नाव आहे. ती पुण्यातील एमआयटीमध्ये प्रथम वर्षाला शिकत होती. पोलिसांनी दिलेल्या माहितीनुसार, जानेवारी महिन्यात शिवानीचे वडील प्रशांत यांचा अपघातात मृत्यू झाला. प्रशांत यांच्या मृत्यूचा जबर धक्का शिवानीला बसला. ती तणावात राहायला लागली. मार्च महिन्यात परीक्षेनंतर ती नागपुरात परतली. 'आता मला जगायची इच्छा नाही', असे ती सतत म्हणायची. शुक्रवारी दुपारी तिची आई इंदिरा या कामानिमित्त घराबाहेर गेल्या. याचदरम्यान पंख्याला दोरी बांधून शिवानीने गळफास घेतला. इंदिरा घरी परतल्या असता ही घटना उघडकीस आली. घटनेची माहिती मिळताच धंतोली पोलिसांचा ताफा तेथे पोहोचला. पंचनामा करून पोलिसांनी मृतदेह मेडिकल कॉलेज हॉस्पिटलकडे रवाना केला. धंतोली पोलिसांनी आकस्मिक मृत्यूची नेांद करून तपास सुरू केला आहे.

जेवणावरून घडले बारमधील दुहेरी हत्याकांड

करोना चाचणीच्या बहाण्याने कॅन्सरग्रस्त महिलेची फसवणूक