नाशिक: पीपीई किट घालून चोरटे शटर तोडून ज्वेलर्समध्ये घुसले, पण...

नाशिक: पीपीई किट घालून ज्वेलर्सचे शटर चोरट्यांनी तोडल्याची घटना नाशिकमधील जेलरोड भागात उघडकीस आली आहे. चोरट्यांनी दुकानाचे शटर तोडले. पण स्थानिक नागरिकांना संशय येताच ते दुकानाकडे धावून आले. त्यांना पाहून चोरटे पसार झाले. ही घटना सीसीटीव्हीत कैद झाली आहे.

नाशिकच्या जेलरोड आणि काठेगल्ली भागात रात्रीच्या सुमारास ज्वेलर्समध्ये चोरीचा प्रयत्न स्थानिक नागरिकांनी उधळून लावला. काही चोरटे पीपीई किट घालून आले. त्यांनी ज्वेलर्सचे शटर तोडून आतमध्ये प्रवेश केला. मात्र, त्याचवेळी आवाज ऐकून काही स्थानिक नागरिक त्या ठिकाणी धावून गेले. नागरिक धावून आल्याचे पाहताच चोरट्यांनी तेथून पळ काढला. ज्वेलर्समध्ये चोरीचा त्यांचा डाव स्थानिक नागरिकांनी हाणून पाडला.



'या' तोतया महिला पोलिसाने हद्दच केली; करोनाकाळात केली वसुली

धक्कादायक! पाळीव कुत्र्यावरून भांडण; शेजाऱ्याला बॅटने मरेस्तोवर मारले

हा संपूर्ण प्रकार सीसीटीव्हीत कैद झाला आहे. चोरटे पीपीई किट घालून ज्वेलर्समध्ये घुसल्याचे या सीसीटीव्हीत दिसत आहे. मात्र, स्थानिक धावून येताच चोरट्यांनी पळ काढला. याबाबत पोलिसांनी माहिती दिली की, सीसीटीव्ही फुटेजमध्ये एक कार दिसत आहे. तर चोरटे रेनकोट किंवा पीपीई किट घातलेले दिसत आहेत. स्थानिकांनी याबाबत माहिती दिली. पोलीस कर्मचारी घटनास्थळी पोहोचले. त्यांनी घटनास्थळाची पाहणी केली. स्थानिकांच्या सतर्कतेमुळे चोरटे पळून गेले. दुकानातील कोणतीही वस्तू चोरीला गेलेली नाही. चोरट्यांचा शोध घेतला जात आहे, अशी माहितीही पोलिसांनी दिली.

बापानेच केली मुलाची हातोड्याने ठेचून निर्घृण हत्या; व्हिडिओ व्हायरल

समलिंगी पत्नीने केली पतीची हत्या; मृतदेहाचे तुकडे करून नाल्यात फेकले