म. टा. वृत्तसेवा, नवी मुंबई
उरण भागात राहणाऱ्या पंकज धारगळकर यांना एका सायबर चोराने मुख्यमंत्री व शिवसेना भवनाच्या नावाने संपर्क साधून, त्यांना बिल्डरकडून पैसे परत मिळवून देण्याचा बहाणा करून त्यांच्याकडून ऑनलाइन १० हजार रुपये उकळल्याची घटना उघडकीस आली आहे. उरण पोलिसांनी या प्रकरणात दोन व्यक्तींविरोधात आयटी अॅक्टनुसार गुन्हा दाखल करून त्यांचा शोध सुरू केला आहे.
पंकज धारगळकर (५८) हे उरणमधील बोरीनाका येथे रहात असून त्यांनी २०१७मध्ये दिवा येथील फ्लोरिडा इमारतीमधील फ्लॅट विकत घेतला होता. त्यासाठी धारगळकर यांनी बांधकाम व्यावसायिकाला ३५ लाख रुपये दिले आहेत. मात्र त्याने बांधकाम पूर्ण न केल्याने धारगळकर यांनी रक्कम परत मागितली होती, मात्र ती रक्कम परत केली जात नव्हती. त्यामुळे धारगळकर यांनी गेल्या महिन्यात दादर येथील शिवसेना भवन येथे मुख्यमंत्र्यांच्या नावाने अर्ज दिला होता. बुधवारी प्रमोद महाजन नामक व्यक्तीने शिवसेना भवनमधून बोलत असल्याचे सांगून धारगळकर यांच्याशी संपर्क साधला होता. तसेच, त्यांनी शिवसेना भवन येथे दिलेल्या अर्जाचे काम तो पहात असल्याचे व अडकलेली त्यांची रक्कम परत मिळवून देण्याबाबत कार्यवाही करत असल्याचे सांगितले. त्यासाठी १० हजार रुपये प्रोसेसिंग फी, डीडी बनविण्यासाठी द्यावी लागेल, असे सांगून, त्यांच्या व्हॉट्सअॅपवर पवन पाटील याच्या नावाचा 'फोन पे अकाऊंट'चा क्यूआर कोड पैसे पाठविण्यासाठी पाठवून दिला. धारगळकर यांनी फोन पे अकाऊंटवर १० हजार रुपये पाठवून दिले. त्यानंतर धारगळकर यांनी सायंकाळी प्रमोदला संपर्क साधल्यानंतर त्याने 'आमचा माणूस २०-२० लाखांचे दोन डीडी घेऊन निघाल्याचे व तो सायंकाळी साडेसातपर्यंत त्यांच्या घरी पोहोचेल, असे सांगितले. मात्र बुधवारी रात्री उशिरापर्यंत कुठलीही व्यक्ती डीडी घेऊन आली नाही. त्यामुळे धारगळकर यांनी गुरुवारी शिवसेना नेते नांदगावकर यांना संपर्क साधून झाल्या प्रकाराची माहिती दिल्यानंतर त्यांनी करोनामुळे शिवसेना भवन बंद असल्याचे तसेच कोणीतरी त्यांची आर्थिक फसवणूक केल्याचे सांगितले. त्यामुळे धारगळकर यांनी गुरुवारी उरण पोलिस ठाण्यात तक्रार दाखल केली. त्यानुसार पोलिसांनी प्रमोद महाजन व पवन शरद पाटील या दोन व्यक्तींविरोधात गुन्हा दाखल केला आहे.
उरण भागात राहणाऱ्या पंकज धारगळकर यांना एका सायबर चोराने मुख्यमंत्री व शिवसेना भवनाच्या नावाने संपर्क साधून, त्यांना बिल्डरकडून पैसे परत मिळवून देण्याचा बहाणा करून त्यांच्याकडून ऑनलाइन १० हजार रुपये उकळल्याची घटना उघडकीस आली आहे. उरण पोलिसांनी या प्रकरणात दोन व्यक्तींविरोधात आयटी अॅक्टनुसार गुन्हा दाखल करून त्यांचा शोध सुरू केला आहे.
पंकज धारगळकर (५८) हे उरणमधील बोरीनाका येथे रहात असून त्यांनी २०१७मध्ये दिवा येथील फ्लोरिडा इमारतीमधील फ्लॅट विकत घेतला होता. त्यासाठी धारगळकर यांनी बांधकाम व्यावसायिकाला ३५ लाख रुपये दिले आहेत. मात्र त्याने बांधकाम पूर्ण न केल्याने धारगळकर यांनी रक्कम परत मागितली होती, मात्र ती रक्कम परत केली जात नव्हती. त्यामुळे धारगळकर यांनी गेल्या महिन्यात दादर येथील शिवसेना भवन येथे मुख्यमंत्र्यांच्या नावाने अर्ज दिला होता. बुधवारी प्रमोद महाजन नामक व्यक्तीने शिवसेना भवनमधून बोलत असल्याचे सांगून धारगळकर यांच्याशी संपर्क साधला होता. तसेच, त्यांनी शिवसेना भवन येथे दिलेल्या अर्जाचे काम तो पहात असल्याचे व अडकलेली त्यांची रक्कम परत मिळवून देण्याबाबत कार्यवाही करत असल्याचे सांगितले. त्यासाठी १० हजार रुपये प्रोसेसिंग फी, डीडी बनविण्यासाठी द्यावी लागेल, असे सांगून, त्यांच्या व्हॉट्सअॅपवर पवन पाटील याच्या नावाचा 'फोन पे अकाऊंट'चा क्यूआर कोड पैसे पाठविण्यासाठी पाठवून दिला. धारगळकर यांनी फोन पे अकाऊंटवर १० हजार रुपये पाठवून दिले. त्यानंतर धारगळकर यांनी सायंकाळी प्रमोदला संपर्क साधल्यानंतर त्याने 'आमचा माणूस २०-२० लाखांचे दोन डीडी घेऊन निघाल्याचे व तो सायंकाळी साडेसातपर्यंत त्यांच्या घरी पोहोचेल, असे सांगितले. मात्र बुधवारी रात्री उशिरापर्यंत कुठलीही व्यक्ती डीडी घेऊन आली नाही. त्यामुळे धारगळकर यांनी गुरुवारी शिवसेना नेते नांदगावकर यांना संपर्क साधून झाल्या प्रकाराची माहिती दिल्यानंतर त्यांनी करोनामुळे शिवसेना भवन बंद असल्याचे तसेच कोणीतरी त्यांची आर्थिक फसवणूक केल्याचे सांगितले. त्यामुळे धारगळकर यांनी गुरुवारी उरण पोलिस ठाण्यात तक्रार दाखल केली. त्यानुसार पोलिसांनी प्रमोद महाजन व पवन शरद पाटील या दोन व्यक्तींविरोधात गुन्हा दाखल केला आहे.