नांदेड: नांदेड जिल्ह्यात एनसीबीच्या पथकाने धडक कारवाई करत ११०० किलो गांजा जप्त केला आहे. यात एका ट्रकमधून गांजाची पोती जप्त करण्यात आली आहेत. दोघा संशयित तस्करांना देखील या कारवाईत ताब्यात घेण्यात आले आहेत. दरम्यान, समीर वानखेडे यांनीच या कारवाईबद्दल माहिती दिली आहे. या कारवाईने परिसरात खळबळ उडाली आहे. राज्यात गेल्या काही महिन्यांपासून ड्रग्ज प्रकरण गाजत आहे. एनसीबीकडून देशासह महाराष्ट्रातील मुंबईसह ठिकठिकाणी धाडसत्र सुरू आहे. धाडसत्रांमध्ये एनसीबीने अनेक ड्रग पेडलर्सला ताब्यात घतले आहे. तपासात त्यांच्याकडून मिळालेल्या माहीतीच्या आधारे राज्यात ठिकठिकाणी गांजा तस्करांविरोधातही एनसीबीने धडक मोहीम सुरू केली आहे. नांदेड येथील कारवाई देखील त्याचाच एक भाग आहे.
मिळालेली माहिती अशी की, एनसीबीने ११०० किलो गांजा जप्त केला आहे. त्याची किंमत अंदाजे ५.६३ कोटी रुपये इतकी आहे. आंध्र प्रदेशातून गांजा महाराष्ट्रात आणला जात होता. या प्रकरणी पोलिसांनी दोघांना अटक केली आहे.
अधिकाऱ्यांनी दिलेल्या माहितीनुसार, एनसीबीचे अधिकारी अमोल मोरे आणि सुधाकर शिंदे यांना गांजा तस्करीसाठी महाराष्ट्रात आणला जात असल्याची माहिती मिळाली होती. हा गांजा आंध्र प्रदेशातून येत असल्याचेही समजले होते. त्यानुसार, सोमवारी सकाळी अधिकाऱ्यांनी तस्करांसाठी सापळा रचला. एका ट्रकमधून गांजा आणला जात होता. अधिकाऱ्यांनी झडती घेतली असता, ११२७ किलो गांजा सापडला. एनसीबीचे झोनल डायरेक्टर समीर वानखेडे यांनी सांगितले की, आमच्या पथकाला याबाबत गुप्त माहिती मिळाली होती. ट्रकमधून पोत्यांमध्ये भरून गांजाची वाहतूक केली जात होती. अधिकाऱ्यांनी झडती घेतली असता, गांजा सापडला. हा गांजा राज्यातील इतर भागांत नेण्यात येणार होता, असेही वानखेडे यांनी सांगितले.
मिळालेली माहिती अशी की, एनसीबीने ११०० किलो गांजा जप्त केला आहे. त्याची किंमत अंदाजे ५.६३ कोटी रुपये इतकी आहे. आंध्र प्रदेशातून गांजा महाराष्ट्रात आणला जात होता. या प्रकरणी पोलिसांनी दोघांना अटक केली आहे.
अधिकाऱ्यांनी दिलेल्या माहितीनुसार, एनसीबीचे अधिकारी अमोल मोरे आणि सुधाकर शिंदे यांना गांजा तस्करीसाठी महाराष्ट्रात आणला जात असल्याची माहिती मिळाली होती. हा गांजा आंध्र प्रदेशातून येत असल्याचेही समजले होते. त्यानुसार, सोमवारी सकाळी अधिकाऱ्यांनी तस्करांसाठी सापळा रचला. एका ट्रकमधून गांजा आणला जात होता. अधिकाऱ्यांनी झडती घेतली असता, ११२७ किलो गांजा सापडला. एनसीबीचे झोनल डायरेक्टर समीर वानखेडे यांनी सांगितले की, आमच्या पथकाला याबाबत गुप्त माहिती मिळाली होती. ट्रकमधून पोत्यांमध्ये भरून गांजाची वाहतूक केली जात होती. अधिकाऱ्यांनी झडती घेतली असता, गांजा सापडला. हा गांजा राज्यातील इतर भागांत नेण्यात येणार होता, असेही वानखेडे यांनी सांगितले.