नीमच: मध्य प्रदेशच्या नीमचमध्ये एका वृद्धाचा मृतदेह आढळून आला. मृत्यूपूर्वी वृद्धाला अमानवीय पद्धतीनं मारहाण करण्यात आली. त्या मारहाणीचा व्हिडीओ सोशल मीडियावर व्हायरल झाला आहे. तुझं नाव मोहम्मद आहे का? जावराहून आलास का? चल, तुझं आधार कार्ड दाखव, असं मारहाण करणारा तरुण म्हणत असल्याचं व्हिडीओमध्ये ऐकू येत आहे. मार खाणारा वृद्ध २०० रुपये घ्या, असं म्हणत असल्याचं दिसत आहे. वृद्धाच्या मृत्यूनंतर पोलिसांनी गुन्हा दाखल केला आहे.
घटना मध्य प्रदेशातल्या नीमच जिल्ह्यातील मनासा येथील आहे. व्हिडीओमध्ये रतलाम जिल्ह्यातील भंवरलाल चत्तर जैन दिसत आहेत. ६५ वर्षांचे जैन यांची मानसिक स्थिती स्थिर नाही. घटनेच्या एक दिवस आधी मनासा पोलिसांनी वृद्ध व्यक्तीचा फोटो जारी केला होता. जैन यांचा मृतदेह रामपुरा येथील कार शोरूमजवळ आढळून आला. भंवरलाल चत्तर जैन यांचा व्हिडीओ सोशल मीडियावर व्हायरल होताच त्यांचा भाऊ, ग्रामस्थ आणि जैन समाजाचे लोक मोठ्या संख्येन मनासा पोलीस ठाण्याजवळ जमले. आरोपीविरोधात कठोर कारवाई करण्याची मागणी त्यांनी केली. आरोपीची ओळख पटली असून त्याचं नाव दिनेश कुशवाह असं आहे. तो भाजपच्या माजी नगरसेविकाचा पती असल्याचं सांगितलं जात आहे.
पोलिसांनी या प्रकरणी कलम ३०२ च्या अंतर्गत गुन्हा दाखल केला आहे. सध्या पोलिसांचा तपास सुरू आहे. पुरावे गोळा करण्याचं काम करण्यात येत आहे. त्यानंतर आणखी लोकांवरही कारवाई केली जाईल, अशी माहिती पोलीस अधिकारी एल. डांगी यांनी दिली.
घटना मध्य प्रदेशातल्या नीमच जिल्ह्यातील मनासा येथील आहे. व्हिडीओमध्ये रतलाम जिल्ह्यातील भंवरलाल चत्तर जैन दिसत आहेत. ६५ वर्षांचे जैन यांची मानसिक स्थिती स्थिर नाही. घटनेच्या एक दिवस आधी मनासा पोलिसांनी वृद्ध व्यक्तीचा फोटो जारी केला होता. जैन यांचा मृतदेह रामपुरा येथील कार शोरूमजवळ आढळून आला.
पोलिसांनी या प्रकरणी कलम ३०२ च्या अंतर्गत गुन्हा दाखल केला आहे. सध्या पोलिसांचा तपास सुरू आहे. पुरावे गोळा करण्याचं काम करण्यात येत आहे. त्यानंतर आणखी लोकांवरही कारवाई केली जाईल, अशी माहिती पोलीस अधिकारी एल. डांगी यांनी दिली.