चंदौली: उत्तर प्रदेशातील चंदौलीमध्ये चार महिन्यांपूर्वी घडलेल्या हत्याकांडाचा खुलासा झाला आहे. या प्रकरणी पोलिसांनी मृताचा पुतण्या आणि त्याचा मेहुणा या दोघांना अटक केली आहे. या हत्येमागची धक्कादायक कहाणी समोर आली आहे. या हत्याकांडाचे कारण उघड झाल्यानंतर सगळेच हादरून गेले. मृताचे आपल्या वहिनीसोबतच अनैतिक संबंध होते. याबाबत तिच्या मुलाला समजले. त्यानंतर त्याने आणि मेहुण्याने कट रचून काकाला संपवले. त्याची गोळ्या झाडून हत्या केली. शेतात एका ठिकाणी झोपेत असतानाच त्यांनी काकाची हत्या केली. चंदौली जिल्ह्यातील अलीनगर पोलीस ठाण्याच्या हद्दीतील काशीपूर गावात घराजवळील शेतात गुड्डू चौहान झोपला होता. त्याची गोळ्या झाडून हत्या करण्यात आली होती. पोलीस या घटनेचा तपास करत होते. मात्र, काहीच पुरावे मिळू शकले नाहीत. जवळपास चार महिन्यांपासून तपास सुरू होता. त्याचवेळी गुड्डूच्या हत्येच्या आरोपाखाली त्याचा पुतण्या आणि जावयाला अटक केली. राजेश याने आपला मेहुणा जोगिंदर चौहान याच्या मदतीने गुड्डूची हत्या केल्याचा आरोप आहे.
चंदौलीचे पोलीस अधीक्षक अंकुर अग्रवाल यांनी सांगितले की, अलीनगर पोलीस ठाण्याच्या हद्दीत २१ जुलै रोजी एक हत्येची घटना घडली होती. त्यात गुड्डू चौहान नावाच्या व्यक्तीला गोळ्या घातल्या होत्या. चार महिन्यांपासून या घटनेचा तपास केला जात होता. मात्र, कोणताही पुरावा मिळाला नाही. अखेर चार महिन्यांनी काही तथ्य समोर आले. त्यानुसार, राजेश आणि जोगिंदर यांचा या गुन्ह्यात हात असल्याचे स्पष्ट झाले. या दोघांना ताब्यात घेऊन चौकशी केली असता, धक्कादायक माहिती समोर आली. राजेशच्या आईचे आणि मृत गुड्डूचे अनैतिक संबंध होते. त्यानंतर राजेशने आपल्या काकाला मारण्याचा कट आखला. त्याने मेहुण्याच्या मदतीने २० जुलैच्या रात्री आपल्या काकाची हत्या केली. दोघांनाही अटक करून पोलीस कोठडीत रवानगी करण्यात आली आहे.
चंदौलीचे पोलीस अधीक्षक अंकुर अग्रवाल यांनी सांगितले की, अलीनगर पोलीस ठाण्याच्या हद्दीत २१ जुलै रोजी एक हत्येची घटना घडली होती. त्यात गुड्डू चौहान नावाच्या व्यक्तीला गोळ्या घातल्या होत्या. चार महिन्यांपासून या घटनेचा तपास केला जात होता. मात्र, कोणताही पुरावा मिळाला नाही. अखेर चार महिन्यांनी काही तथ्य समोर आले. त्यानुसार, राजेश आणि जोगिंदर यांचा या गुन्ह्यात हात असल्याचे स्पष्ट झाले. या दोघांना ताब्यात घेऊन चौकशी केली असता, धक्कादायक माहिती समोर आली. राजेशच्या आईचे आणि मृत गुड्डूचे अनैतिक संबंध होते. त्यानंतर राजेशने आपल्या काकाला मारण्याचा कट आखला. त्याने मेहुण्याच्या मदतीने २० जुलैच्या रात्री आपल्या काकाची हत्या केली. दोघांनाही अटक करून पोलीस कोठडीत रवानगी करण्यात आली आहे.