Panvel crime : पत्नीची हत्या करून 'तो' पोहोचला थेट पोलीस ठाण्यात

म. टा. वृत्तसेवा, नवी मुंबई: पत्नीने पतीच्या चारित्र्यावर संशय घेतल्याने संतापलेल्या पतीने तिचा टॉवेलने गळा आवळून हत्या केल्याची घटना मंगळवारी दुपारी पनवेलच्या विचुंबे गावात घडली. सूर्यकांत जाधव असे या आरोपीचे पत्नीची हत्या करणाऱ्या पतीचे नाव असून खांदेश्वर पोलिसांनी त्याला अटक केली आहे.

सूर्यकांत व त्याची पत्नी सारथी (२६) विचुंबे येथील ज्ञानेश्वर माऊली सोसायटीत राहत होते. मंगळवारी दुपारी त्यांच्यात किरकोळ कारणावरून वाद झाला. यावेळी सारथीने सूर्यकांतच्या चारित्र्यावर संशय घेऊन भांडणास सुरुवात केली. हे भांडण विकोपास गेल्यानंतर संतापलेल्या सूर्यकांतने सारथीचा टॉवेलने गळा आवळला. यात तिचा मृत्यू झाला. यानंतर तो स्वतः पोलीस ठाण्यात हजर झाला. खांदेश्वर पोलिसांनी त्यांच्या घरी जाऊन सारथीचा मृतदेह ताब्यात घेतला. रात्री उशिरा या प्रकरणी गुन्हा दाखल झाल्यानंतर पोलिसांनी आरोपीस पत्नीच्या हत्येप्रकरणी अटक केली.

आणखी बातम्या वाचा:

मॉब लिंचिंग; चोर समजून जमावाने मरेपर्यंत मारले, तरुणाचा रुग्णालयात मृत्यू

संतापजनक! जन्मदात्या बापाकडूनच मुलीवर बलात्कार; ६ वर्षे शोषण

बोगस कोविड टेस्ट रिपोर्ट दिले जात होते, 'असा' झाला भंडाफोड

माहेरी आलेल्या नवविवाहित महिलेवर सामूहिक बलात्कार