Pune: पहाटेची वेळ, 'ते' दुचाकी थांबवून लघुशंकेसाठी गेले; इतक्यात...

पुणे : कात्रज-कोंढवा रस्त्यावरील राजस सोसायटीसमोर लघुशंका करण्यासाठी थांबलेल्या व्यावसायिकाला तिघांनी लुटल्याची घटना मंगळवारी पहाटे घडली. या प्रकरणी भारती विद्यापीठ पोलिस ठाण्यात जबरी चोरीचा गुन्हा दाखल करण्यात आला.

कपील बाफना (वय ३६, रा. कोंढवा बुद्रुक) यांनी या प्रकरणी तक्रार दिली. त्यानुसार तीन अनोळखी व्यक्तींच्या विरोधात गुन्हा दाखल करण्यात आला. तक्रारदार कोंढवा बुद्रुक परिसरात राहतात. सोमवारी रात्री ते मित्राबरोबर जेवायला गेले होते. रात्री ते मित्राबरोबर गप्पा मारत थांबले होते.

Jalgaon crime : पती-पत्नी, मुलगी गाढ झोपेत होते, पहाटे ६ जण बंगल्यात घुसले अन्...

पहाटे चारच्या सुमारास दुचाकीस्वार बाफना कात्रज-कोंढवा रस्त्यावरून निघाले होते. राजस सोसायटी चौकापासून काही अंतरावर बाफना थांबले. त्या वेळी दुचाकीवरून आलेल्या तीन चोरट्यांनी बाफना यांना धमकावले. त्यांच्याकडील रोकड, बँकेची कागदपत्रे असा पाच हजार रुपयांचा ऐवज लुटून चोरटे पसार झाले. या प्रकरणी सहायक पोलिस निरीक्षक गंगाधर घावटे अधिक तपास करीत आहेत.