खळबळजनक! मित्राचा खून करून मृतदेह घरातच पुरला

म. टा. प्रतिनिधी, पुणे: कात्रज परिसरात मित्राचा खून करून त्याचा मृतदेह घरातच पुरणाऱ्या आरोपीला भारती विद्यापीठ पोलिसांनी विसापूर किल्ल्याजवळील गुहेतून अटक केली. काही दिवसांपूर्वी झालेल्या वादावादीच्या कारणावरून आरोपीने साथीदाराच्या मदतीने खून केल्याचे समोर आले आहे.

ओंकार संजय जोरी (वय २३, रा. जुनी दुगड चाळ, कात्रज) असे अटक केलेल्याचे नाव आहे. गजानन पासलकर, समीर जोरी, भय्या उर्फ प्रतीक डाकले यांचा अद्याप शोध सुरू आहे. या घटनेत किरण शिवाजी डोळे (वय २७,रा. दुगड चाळ, अयप्पा मंदिराजवळ, कात्रज) याचा खून झाला.

डोळे चार दिवसांपूर्वी ओंकार जोरी या मित्राकडे जातो, असे सांगून घरातून गेला. मात्र, त्यानंतर घरी परतलाच नाही. त्यामुळे त्याच्या पत्नीने भारती विद्यापीठ पोलिस ठाण्यात बेपत्ता असल्याची तक्रार दिली होती. डोळे राहात असलेल्या भागात त्याचा मित्र ओंकार आजीकडे राहात होता. डोळे बेपत्ता झाल्यानंतर काही दिवसांनी आजीसह जोरी बंधू अचानक निघून गेले. त्यामुळे डोळेच्या कुटुंबीयांना त्याच्यावर संशय निर्माण झाला होता. त्यामुळे पोलिसांनी त्यांच्या घरी जाऊन पाहणी केली. त्या वेळी त्यांना एका ठिकाणाहून दुर्गंध आला. त्यांनी तेथे खोदल्यानंतर डोळे याचा मृतदेह मिळाला. या प्रकरणी खुनाचा गुन्हा दाखल करून आरोपींचा शोध सुरू होता.

नागपूर हत्या-आत्महत्या प्रकरण: महिला डॉक्टरच्या पतीचे होते एकतर्फी प्रेम

दहा वर्षापूर्वी केला खून; फरार आरोपीला पुण्यात अशी केली अटक

सोलापुरात मोठा दरोडा; पीपीई किट घालून मोबाइल दुकानं फोडली

वरिष्ठ निरीक्षक वसंत कुंवर यांच्या मार्गदर्शनाखाली उपनिरीक्षक भूषण कोते यांचे पथक आरोपीचा लोणावळा परिसरात माग काढत होते. त्या वेळी कर्मचारी कुंदन शिंदे आणि अभिजित जाधव यांना माहिती मिळाली की, मुख्य आरोपी ओंकार जोरी विसापूर किल्ल्याजवळील जंगलातील गुहेत लपून बसला आहे. त्यानुसार त्या ठिकाणी सापळा रचून त्याला पकडण्यात आले. त्यानंतर त्याने खुनाची कबुली दिली. आरोपी डोळे सतत आपला मित्र पासलकर याच्याशी वाद घालत होता. १५ ऑगस्टलाही त्याने त्यांच्याशी वाद घातला. त्यामुळे आरोपींनी त्याला चर्चा करण्यासाठी घरी बोलविले होते. घराच्या मागे चर्चा सुरू असताना कुरापत काढून आरोपींनी त्याला लाकडी दांडक्याने डोक्यात मारहाण केली. तसेच, पोटात चाकू खुपसून त्याचा खून केला. त्याचा मृतदेह घरातील मोकळ्या जागेत पुरून गायब झाल्याचे सांगितले.

Sushant singh rajput case : तुम्ही शवविच्छेदन का केलं? पनवेलच्या 'या' डॉक्टरांना त्रास

पत्नी, सासूला मारहाणीनंतर छतावरून फेकले, हत्येनंतर तरूण थेट पोलीस ठाण्यात