म. टा. वृत्तसेवा, भोर
पेट्रोल पंपावरील कामगारांना पिस्तुलाच्या धाकाने लुटल्याचा प्रकार समोर आला आहे. पुणे-सातारा महामार्गावरील खेडशिवापूर हद्दीतील कुदळे पेट्रोल पंपावर गुरुवारी पहाटे ही घटना घडली. यामध्ये चोरट्यांनी दोन लाख ३७ हजार रुपयांसह दोन मोबाइलची चोरी केली आहे. दरम्यान, चोरीची घटना 'सीसीटीव्ही'मध्ये कैद झाली आहे.
या प्रकरणी अमोल भीमराव पंडीत (वय ३१) यांनी राजगड पोलिस ठाण्यात फिर्याद दिली आहे. पोलिसांनी दिलेल्या माहितीनुसार, फिर्यादी आणि त्यांचा सहकारी सुदर्शन वानखेडे पेट्रोल पंपाच्या कार्यालयात दिवसभरातील पैशांचा हिशेब करीत होते. त्यावेळी दोन जण पेट्रोल भरण्याच्या बहाण्याने पंपावर आले. 'पेट्रोल है क्या' अशी विचारणा करून ते कार्यालयात शिरले. या वेळी तेथे बसलेल्या फिर्यादी आणि वानखेडे यांना पिस्तुलाचा धाक दाखवला. त्यांच्याकडील दोन लाख ३७ हजार पाचशे रुपयांची रोख रक्कम आणि दोन मोबाइल घेऊन आरोपींनी सातारच्या दिशेने पोबारा केला. घटनेची माहिती मिळताच अतिरिक्त पोलिस अधीक्षक मिलिंद मोहिते, उपविभागीय पोलिस अधिकारी धनंजय पाटील, पोलिस निरीक्षक संदीप घोरपडे यांनी घटनास्थळी भेट देऊन पाहणी केली. पुढील तपास सहायक पोलिस निरीक्षक निखिल मगदूम करीत आहेत.
चोरी करणारे दोन्ही आरोपी 'सीसीटीव्ही'त कैद झाले आहेत. त्यांच्या शोधासाठी पहाटेच दोन पथके पाठविण्यात आली असून, लवकरच आरोपींना शोधून अटक करण्यात येईल.
- संदीप घोरपडे, पोलिस निरीक्षक, राजगड पोलिस ठाणे
पेट्रोल पंपावरील कामगारांना पिस्तुलाच्या धाकाने लुटल्याचा प्रकार समोर आला आहे. पुणे-सातारा महामार्गावरील खेडशिवापूर हद्दीतील कुदळे पेट्रोल पंपावर गुरुवारी पहाटे ही घटना घडली. यामध्ये चोरट्यांनी दोन लाख ३७ हजार रुपयांसह दोन मोबाइलची चोरी केली आहे. दरम्यान, चोरीची घटना 'सीसीटीव्ही'मध्ये कैद झाली आहे.
या प्रकरणी अमोल भीमराव पंडीत (वय ३१) यांनी राजगड पोलिस ठाण्यात फिर्याद दिली आहे. पोलिसांनी दिलेल्या माहितीनुसार, फिर्यादी आणि त्यांचा सहकारी सुदर्शन वानखेडे पेट्रोल पंपाच्या कार्यालयात दिवसभरातील पैशांचा हिशेब करीत होते. त्यावेळी दोन जण पेट्रोल भरण्याच्या बहाण्याने पंपावर आले. 'पेट्रोल है क्या' अशी विचारणा करून ते कार्यालयात शिरले. या वेळी तेथे बसलेल्या फिर्यादी आणि वानखेडे यांना पिस्तुलाचा धाक दाखवला. त्यांच्याकडील दोन लाख ३७ हजार पाचशे रुपयांची रोख रक्कम आणि दोन मोबाइल घेऊन आरोपींनी सातारच्या दिशेने पोबारा केला. घटनेची माहिती मिळताच अतिरिक्त पोलिस अधीक्षक मिलिंद मोहिते, उपविभागीय पोलिस अधिकारी धनंजय पाटील, पोलिस निरीक्षक संदीप घोरपडे यांनी घटनास्थळी भेट देऊन पाहणी केली. पुढील तपास सहायक पोलिस निरीक्षक निखिल मगदूम करीत आहेत.
चोरी करणारे दोन्ही आरोपी 'सीसीटीव्ही'त कैद झाले आहेत. त्यांच्या शोधासाठी पहाटेच दोन पथके पाठविण्यात आली असून, लवकरच आरोपींना शोधून अटक करण्यात येईल.
- संदीप घोरपडे, पोलिस निरीक्षक, राजगड पोलिस ठाणे