पुणे: 'त्या' गोळीबाराच्या घटनेमागील सूत्रधार अटकेत, ३० लाखांची दिली होती सुपारी

म. टा. प्रतिनिधी, पुणे: महंमदवाडी परिसरात वाळू पुरवठादार मयूर हांडे याच्यावर गोळीबार करण्यासाठी ३० लाख रुपयांची सुपारी देण्यात आल्याची धक्कादायक माहिती पोलिस तपासात समोर आली आहे. या प्रकरणात वानवडी पोलिसांनी दोघांना अटक केली असून, राजेश भिकू पडवळ (वय २५, रागोजहे, ता. हवेली) आणि बाळासाहेब अनंत जाधव (वय ५२, रा. हांडेवाडी) अशी अटक केलेल्यांची नावे आहेत.

पोलिसांनी दिलेल्या माहितीनुसार, महंमदवाडी परिसरात १२ ऑक्टोबरला मयूर हांडे यांच्यावर गोळीबार झाल्याची घटना घडली होती. त्या वेळी गोळी हांडे यांच्या गालाला चाटून गेल्याने ते बचावले होते. या प्रकरणी वानवडी पोलिसांनी दोघांना अटक केली होती. त्यांच्याकडे तपास केला असता धक्कादायक माहिती समोर आली.

मयूर हांडे यांचा वाळूपुरवठा व ट्रॅक्टर भाड्याने देण्याचा व्यवसाय आहे. ते ट्रॅक्टर घेऊन महंमदवाडी येथे गेले असताना त्यांच्यावर गोळीबार करण्यात आला होता. राजेश पडवळ याने गोळीबार करून हांडे यांना मारण्याची ३० लाख रुपयांची सुपारी घेतली होती. पडवळ हा इलेक्ट्रिशियन आहे, तर बाळासाहेब जाधव व्यावसायिक आहे. हांडे यांच्या वर्तनाचा जाधव यांना त्रास होत असल्यानेच त्यांनी पडवळला सुपारी दिल्याचे तपासात निष्पन्न झाले आहे.

गुजरात: १२ वर्षीय मूकबधिर मुलीवर नातेवाइकाने केला बलात्कार, निर्घृण हत्या

'त्या' भयानक प्रसंगानंतर २ महिलांनी धावत्या कारमधून मारडी उडी

दुर्दैवी! सासऱ्याच्या घरासमोरच जावयाला ट्रकने चिरडले