पुणे: २ मुलांसह महिलेनं विहिरीत मारली उडी; ७ वर्षांच्या मुलाचा मृत्यू

म. टा. प्रतिनिधी, पिंपरी: चिखलीमधील एका महिलेने आपल्या दोन मुलांना घेऊन विहिरीत उडी मारून आत्महत्या करण्याचा प्रयत्न केला. सोमवारी (१८ मे) दुपारी सोनवणे वस्ती येथे ही घटना उघडकीस आली. तिच्या सात वर्षांच्या मुलाचा मृत्यू झाला आहे. तणावातून महिलेने हे पाऊल उचलल्याचे सांगितले जात आहे. मात्र, नेमके कारण अद्याप स्पष्ट झालेले नाही.

गौरव गणेश गाढवे (वय ७, रा. शिवकृपा कॉलनी, त्रिवेणी नगर, निगडी) असे मृत्यू झालेल्या मुलाचे नाव आहे. तर रुपाली गणेश गाढवे (वय ४०), गंधर्व गणेश गाढवे (वय ५) यांना नागरिकांनी पाण्यातून बाहेर काढले आहे.

वरिष्ठ पोलीस निरीक्षक सतीश माने यांनी दिलेल्या माहितीनुसार, रुपाली गाढवे या महिलेने आपल्या गौरव आणि गंधर्व या दोन चिमुरड्यांना घेऊन चिखली येथील सोनवणे वस्तीतील एका विहिरीत उडी मारून आत्महत्या करण्याचा प्रयत्न केला. स्थानिकांना या घटनेची माहिती मिळताच, त्यांनी तात्काळ तिघांनाही पाण्यातून बाहेर काढले. या घटनेत गौरव या सात वर्षीय चिमुरड्याचा मृत्यू झाला. तर रुपाली आणि गंधर्व यांना उपचारासाठी रुग्णालयात दाखल करण्यात आले आहे.

व्हॉट्सअॅप, टिकटॉक, इन्स्टाग्रामवरून अफवा; ३५२ गुन्हे दाखल

पुण्यात खंडणीसाठी गोळीबार; एकाच्या डोक्यात गोळी घुसली