बरनाला: माणुसकीला काळिमा फासणारी संतापजनक घटना पंजाबमधील बरनाला शहरात घडली. २२ वर्षीय तरुणीला आठ महिने डांबून ठेवून तिच्यावर बलात्कार करण्यात आला. पीडितेच्या जबाबाच्या आधारे पोलिसांनी दोन महिलांसह सात जणांवर गुन्हा दाखल केला आहे. या आरोपींमध्ये एका राजकीय पक्षाचा स्थानिक नेताही आहे. मिळालेल्या माहितीनुसार, पीडित तरुणीला धमकावल्याप्रकरणी तीन पोलीस कर्मचाऱ्यांनाही निलंबित केले आहे. पीडितेची वैद्यकीय तपासणी करण्यात आली. तसेच कोर्टात तिचा जबाब नोंदवण्यात आला. पीडिता आणि तिच्या कुटुंबीयांनी धमकावणाऱ्या सर्व पोलीस कर्मचारी आणि अधिकाऱ्यांवर कठोर कारवाई करण्याची मागणी केली आहे. तसेच आमच्या जीवाला धोका असल्याचे सांगून संरक्षण देण्याची विनंतीही केली आहे.
या प्रकरणी पीडितेच्या भावाने पोलिसांना माहिती दिली. गेल्या वर्षी २४ जून रोजी त्यांच्या घरी भाडेतत्वावर राहणारी महिला बहिणीला फूस लावून एका राजकीय पक्षाच्या नेत्याच्या भावाच्या घरी घेऊन गेली. तिथे तो नेता, एक भोंदू बाबा आणि काही महिलांसह २० ते २५ जण आधीच उपस्थित होते. तिथे तिला पिण्यासाठी शीतपेय दिले. ते प्यायल्यानंतर माझी बहीण बेशुद्ध झाली. त्याच दिवशी तिच्यावर त्या नेत्याने आणि काही जणांनी बलात्कार केला, असे त्याने सांगितले.
बहिणीला १७ दिवस बरनाला जिल्ह्यातील पंधेर गावात डांबून ठेवण्यात आले. त्यानंतर संगरूरमधील एका गावात ३ दिवस डांबून ठेवले. बठिंडा येथे घेऊन गेले. तिथे जबरदस्ती तिचे लग्न लावून दिले. लग्नाच्या बदल्यात आरोपींनी ७० हजार रुपये घेतले होते, असा आरोपही तिच्या भावाने केला आहे. यासंबंधी बरनाला येथे तक्रार नोंदवली. पण तेथील पोलीस कर्मचाऱ्यांनी पैसे मागितले. त्यावर वरिष्ठ पोलीस अधीक्षकांची भेट घेण्याचा प्रयत्न केला असता, भेट होऊ दिली नाही. बरनाला पोलीस विभागातील तीन कर्मचाऱ्यांनी बहिणीला धमकावले, असेही भावाने सांगितले.
माझ्या बहिणीला बठिंडामध्ये डांबून ठेवले होते. तिथे तिला ३ लाख रुपयांना विकणार असल्याची चर्चा सुरू होती. ते तिने ऐकले आणि कशीबशी स्वतःची सुटका करून घेतली. तिने आपल्या आईशी संपर्क साधला. तिला घेण्यासाठी गेलो असता, ती नशेत असल्याचे आढळून आले. त्यानंतर बहिणीला सरकारी रुग्णालयात दाखल केले. त्यानंतर पोलिसांत तक्रार दाखल केली.
या प्रकरणी पीडितेच्या भावाने पोलिसांना माहिती दिली. गेल्या वर्षी २४ जून रोजी त्यांच्या घरी भाडेतत्वावर राहणारी महिला बहिणीला फूस लावून एका राजकीय पक्षाच्या नेत्याच्या भावाच्या घरी घेऊन गेली. तिथे तो नेता, एक भोंदू बाबा आणि काही महिलांसह २० ते २५ जण आधीच उपस्थित होते. तिथे तिला पिण्यासाठी शीतपेय दिले. ते प्यायल्यानंतर माझी बहीण बेशुद्ध झाली. त्याच दिवशी तिच्यावर त्या नेत्याने आणि काही जणांनी बलात्कार केला, असे त्याने सांगितले.
बहिणीला १७ दिवस बरनाला जिल्ह्यातील पंधेर गावात डांबून ठेवण्यात आले. त्यानंतर संगरूरमधील एका गावात ३ दिवस डांबून ठेवले. बठिंडा येथे घेऊन गेले. तिथे जबरदस्ती तिचे लग्न लावून दिले. लग्नाच्या बदल्यात आरोपींनी ७० हजार रुपये घेतले होते, असा आरोपही तिच्या भावाने केला आहे. यासंबंधी बरनाला येथे तक्रार नोंदवली. पण तेथील पोलीस कर्मचाऱ्यांनी पैसे मागितले. त्यावर वरिष्ठ पोलीस अधीक्षकांची भेट घेण्याचा प्रयत्न केला असता, भेट होऊ दिली नाही. बरनाला पोलीस विभागातील तीन कर्मचाऱ्यांनी बहिणीला धमकावले, असेही भावाने सांगितले.
माझ्या बहिणीला बठिंडामध्ये डांबून ठेवले होते. तिथे तिला ३ लाख रुपयांना विकणार असल्याची चर्चा सुरू होती. ते तिने ऐकले आणि कशीबशी स्वतःची सुटका करून घेतली. तिने आपल्या आईशी संपर्क साधला. तिला घेण्यासाठी गेलो असता, ती नशेत असल्याचे आढळून आले. त्यानंतर बहिणीला सरकारी रुग्णालयात दाखल केले. त्यानंतर पोलिसांत तक्रार दाखल केली.