अलवर: राज्यातील अलवर जिल्ह्यात खेडली पोलीस ठाण्याच्या परिसरात महिलेवर बलात्कार करणाऱ्या पोलीस उपनिरीक्षकाला बडतर्फ करण्यात आले आहे. पतीविरोधात तक्रार करण्यासाठी पीडित महिला खेडली पोलीस ठाण्यात आली होती. हे प्रकरण मिटवण्याचा बहाणा करून महिलेवर पोलीस उपनिरीक्षक भरत सिंह याने तिच्यावर सलग तीन दिवस बलात्कार केला होता. या घटनेनंतर आता अलवर पोलिसांनी धडक कारवाई सुरू केली आहे. या प्रकरणात पोलिसांनी चार कर्मचाऱ्यांवरही कारवाई केली आहे. हेड कॉन्स्टेबलने महिलेने दिलेल्या तक्रारीच्या कागदपत्रांत फेरफार केले होते, असे तपासात स्पष्ट झाले आहे.
पोलीस सूत्रांनुसार, बलात्कार प्रकरणातील आरोपी पोलीस उपनिरीक्षकाला सोमवारी कठुमर कोर्टात हजर करण्यात आले. दुसरीकडे या प्रकरणाचा तपास राजगढ येथील सीओ अंजली जोरवाल यांच्याकडे सोपवला आहे. रविवारी खेडली पोलीस ठाण्यात २६ वर्षीय महिलेवर बलात्कार केल्याची तक्रार दाखल करण्यात आली होती. पीडित महिलेवर पोलीस उपनिरीक्षकानेच बलात्कार केला होता. ती महिला आपल्या पतीविरोधात तक्रार करण्यासाठी पोलीस ठाण्यात आली होती. पोलिसांनी मध्यस्थी करून हे प्रकरण मिटवावे आणि पती आणि सासरच्या मंडळींची समजूत काढावी, या अपेक्षेने ती पोलीस ठाण्यात आली होती. मात्र, पोलीस उपनिरीक्षक भरत सिंह याने २ मार्चपासून सलग तीन दिवस तिच्यावर बलात्कार केला. रविवारी त्याने पुन्हा तिच्यावर बलात्काराचा प्रयत्न केला. महिलेने विरोध केला. त्यानंतर पोलीस ठाण्यात त्याच्याविरोधात तक्रार दाखल केली.
पोलीस अधीक्षक तेजस्वीनी गौतम यांनी सांगितले की, महिलेवरील बलात्कार प्रकरणात आरोपी पोलीस उपनिरीक्षक भरत सिंह याच्यावर कारवाई करण्यात आली आहे. त्याच्या बडतर्फीचे आदेश दिले आहेत. महिलेने दाखल केलेल्या तक्रारीच्या कागदपत्रांमध्ये फेरफार करणाऱ्या पोलीस कॉन्स्टेबललाही निलंबित केले आहे. आतापर्यंत चार पोलीस कर्मचाऱ्यांवर कारवाई करण्यात आली आहे. या प्रकरणाचा पुढील तपास सुरू आहे.
पोलीस सूत्रांनुसार, बलात्कार प्रकरणातील आरोपी पोलीस उपनिरीक्षकाला सोमवारी कठुमर कोर्टात हजर करण्यात आले. दुसरीकडे या प्रकरणाचा तपास राजगढ येथील सीओ अंजली जोरवाल यांच्याकडे सोपवला आहे. रविवारी खेडली पोलीस ठाण्यात २६ वर्षीय महिलेवर बलात्कार केल्याची तक्रार दाखल करण्यात आली होती. पीडित महिलेवर पोलीस उपनिरीक्षकानेच बलात्कार केला होता. ती महिला आपल्या पतीविरोधात तक्रार करण्यासाठी पोलीस ठाण्यात आली होती. पोलिसांनी मध्यस्थी करून हे प्रकरण मिटवावे आणि पती आणि सासरच्या मंडळींची समजूत काढावी, या अपेक्षेने ती पोलीस ठाण्यात आली होती. मात्र, पोलीस उपनिरीक्षक भरत सिंह याने २ मार्चपासून सलग तीन दिवस तिच्यावर बलात्कार केला. रविवारी त्याने पुन्हा तिच्यावर बलात्काराचा प्रयत्न केला. महिलेने विरोध केला. त्यानंतर पोलीस ठाण्यात त्याच्याविरोधात तक्रार दाखल केली.
पोलीस अधीक्षक तेजस्वीनी गौतम यांनी सांगितले की, महिलेवरील बलात्कार प्रकरणात आरोपी पोलीस उपनिरीक्षक भरत सिंह याच्यावर कारवाई करण्यात आली आहे. त्याच्या बडतर्फीचे आदेश दिले आहेत. महिलेने दाखल केलेल्या तक्रारीच्या कागदपत्रांमध्ये फेरफार करणाऱ्या पोलीस कॉन्स्टेबललाही निलंबित केले आहे. आतापर्यंत चार पोलीस कर्मचाऱ्यांवर कारवाई करण्यात आली आहे. या प्रकरणाचा पुढील तपास सुरू आहे.