शेतावर गेलेल्या महिलेवर सामूहिक बलात्कार, पीडितेने सांगितली आपबीती

नागौर: राजस्थानमध्ये बलात्काराची धक्कादायक घटना उघडकीस आली आहे. दौसानंतर नागौरमध्ये महिलेवर सामूहिक बलात्कार करण्यात आला. नागौरमधील घटना पाच दिवसांपूर्वी घडली होती. मात्र, प्रचंड मानसिक धक्का बसल्याने पाच दिवसांनंतर महिलेने आपबीती सांगितली.

घटनेची माहिती मिळताच पोलिसांनी या प्रकरणातील आरोपींचा शोध घेण्यास सुरुवात केली आहे. पोलिसांनी आरोपींविरोधात गुन्हा दाखल केला आहे. पोलिसांच्या माहितीनुसार, परबतसर परिसरातील गांगवा गावात ही घटना घडली आहे. महिला १९ जानेवारी रोजी शेजारील शेतावरील घरी ताक घेण्यासाठी गेली होती. त्याचवेळी शेतात काम करणाऱ्या तिघांनी तिच्यावर जबरदस्तीचा प्रयत्न केला. तिघांच्या तावडीतून तिने वाचवण्याचा प्रयत्न केला. मात्र, त्या तिघांनी तिला पकडले. त्यानंतर तिच्यावर सामूहिक बलात्कार केला.

संतापजनक ! १३ वर्षीय मुलीवर शिक्षकाने केला बलात्कार

घटनेनंतर महिला कशीबशी घरी पोहोचली. मानसिक धक्का बसलेल्या महिलेने आपल्या कुटुंबीयांना आपबीती सांगितली. पोलिसांनी पीडितेची वैद्यकीय चाचणी केली. पोलीस आरोपींचा शोध घेत आहेत. या घटनेने परिसरात खळबळ माजली आहे.