रत्नागिरी: रत्नागिरी (Ratnagiri) जिल्ह्यातील खेड-दापोली परिसरात (Khed-Dapoli) गुटख्याची वाहतूक होत असल्याचे उघड झाले आहे. खेड पोलिसांनी धडक कारवाई करून सुमारे आठ लाख रुपयांचा गुटखा जप्त केला आहे. खेड पोलिसांनी गुरुवारी (२ डिसेंबर रोजी) रात्री उशिरा खेड तालुक्यातील गवळीवाडी घाणेखुंट येथे धडक कारवाई केली. पोलिसांनी गोदामातून सुमारे आठ लाख रुपये किंमतीचा गुटखा जप्त केला आहे. एका संशयित आरोपीला अटक करण्यात आली आहे. या कारवाईमुळे अवैध गुटखा वाहतूक आणि विक्री करणाऱ्यांचे धाबे दणाणले आहे. पोलिसांनी खेड तालुक्यातील घाणेखुंट येथील तय्यब सत्तार मेमन (वय ३९ ) या संशयित आरोपीवर गुन्हा दाखल करून त्याला अटक केली आहे.
संशयित आरोपीने खेड तालुक्यातील गवळीवाडी घाणेखुंट येथील एका गोदामात अवैध गुटख्याचा साठा करून ठेवला होता. याबाबत खेड पोलिसांना माहिती मिळाली. पोलिसांनी त्याआधारे सापळा रचला होता. गुरुवारी रात्री उशिरा पोलिसांनी धाड टाकून गुटख्याचा साठा जप्त केला. या कारवाईत सुमारे आठ लाख ६४० रुपये किंमतीचा गुटखा जप्त केला आहे.
गुटखा येतोच कसा?
खेड पोलिसांनी यापूर्वीही मोठी कारवाई केली होती. गुटख्याची अवैध वाहतूक सुरू असताना धडक कारवाई करून मुद्देमाल जप्त केला होता. दापोली तालुक्यातील दोन संशयित व्यापाऱ्यांना अटक केली होती. हा गुटखा येतो कुठून? ही मोठी वाहतूक खेड-दापोलीपर्यंत पोहोचते कशी? कोणत्या व्यापाऱ्यांना वितरित केला जातो? या सगळ्याचा तपास होणे आवश्यक आहे. गुटख्याच्या अवैध वाहतूक आणि विक्रीविरोधात जिल्हा पोलीस अधीक्षक डॉ. मोहितकुमार गर्ग यांनी मोहीम हाती घेतली आहे. दरम्यान, ही कारवाई रत्नागिरी जिल्हा पोलीस अधीक्षक डॉ. मोहितकुमार गर्ग, अपर पोलीस अधीक्षक देसाई, उपविभागीय पोलीस अधिकारी शशीकिरण काशीद, खेड तालुका पोलीस निरीक्षक निशा जाधव यांच्या मार्गदर्शनाखाली खेड पोलीस ठाण्याचे तपास पथक प्रमुख सहायक पोलीस निरीक्षक सुजित गडदे, योगेश मोरे, घाणेकर, पोलीस शिपाई संकेत गुरव, विनायक येलकर, रूपेश पेढामकर यांच्या पथकाने केली.
संशयित आरोपीने खेड तालुक्यातील गवळीवाडी घाणेखुंट येथील एका गोदामात अवैध गुटख्याचा साठा करून ठेवला होता. याबाबत खेड पोलिसांना माहिती मिळाली. पोलिसांनी त्याआधारे सापळा रचला होता. गुरुवारी रात्री उशिरा पोलिसांनी धाड टाकून गुटख्याचा साठा जप्त केला. या कारवाईत सुमारे आठ लाख ६४० रुपये किंमतीचा गुटखा जप्त केला आहे.
गुटखा येतोच कसा?
खेड पोलिसांनी यापूर्वीही मोठी कारवाई केली होती. गुटख्याची अवैध वाहतूक सुरू असताना धडक कारवाई करून मुद्देमाल जप्त केला होता. दापोली तालुक्यातील दोन संशयित व्यापाऱ्यांना अटक केली होती. हा गुटखा येतो कुठून? ही मोठी वाहतूक खेड-दापोलीपर्यंत पोहोचते कशी? कोणत्या व्यापाऱ्यांना वितरित केला जातो? या सगळ्याचा तपास होणे आवश्यक आहे. गुटख्याच्या अवैध वाहतूक आणि विक्रीविरोधात जिल्हा पोलीस अधीक्षक डॉ. मोहितकुमार गर्ग यांनी मोहीम हाती घेतली आहे. दरम्यान, ही कारवाई रत्नागिरी जिल्हा पोलीस अधीक्षक डॉ. मोहितकुमार गर्ग, अपर पोलीस अधीक्षक देसाई, उपविभागीय पोलीस अधिकारी शशीकिरण काशीद, खेड तालुका पोलीस निरीक्षक निशा जाधव यांच्या मार्गदर्शनाखाली खेड पोलीस ठाण्याचे तपास पथक प्रमुख सहायक पोलीस निरीक्षक सुजित गडदे, योगेश मोरे, घाणेकर, पोलीस शिपाई संकेत गुरव, विनायक येलकर, रूपेश पेढामकर यांच्या पथकाने केली.