नाशिक: राज्यभरात करोना रुग्णांचा आकडा वाढतोय. नाशिक जिल्ह्यातही करोनाबाधित रुग्णांची संख्या अधिक आहे. दुसरीकडे करोना रुग्णांसाठी 'संजिवनी' ठरणाऱ्या रेमडेसिव्हिर इंजेक्शनचा तुटवडा जाणवत आहे. अशा वेळी एका रुग्णालयातून रेमडेसिव्हिर इंजेक्शन चोरल्याची घटना उघड झाली आहे. नाशिकच्या एका रुग्णालयात ही घटना घडली असून, सीसीटीव्हीत कैद झाली आहे. राज्यात करोना रुग्णांची संख्या वाढत असून, आरोग्य यंत्रणेवर कमालीचा ताण येत आहे. काही ठिकाणी रुग्णांना बेड, तर काही ठिकाणी रुग्णांवर उपचारासाठी आवश्यक असलेले रेमडेसिव्हिर इंजेक्शन मिळत नसल्याचे चित्र आहे. बऱ्याच ठिकाणी रेमडेसिव्हिर इंजेक्शन मिळवण्यासाठी रुग्णांचे नातेवाइक आणि कुटुंबीयांची धावपळ सुरू आहे. त्यात रेमडेसिव्हिर इंजेक्शनचा सर्वत्र तुटवडा जाणवत आहे. असे असतानाच, या इंजेक्शनची नाशिकमधील एका रुग्णालयातून चोरी झाल्याची घटना घडली आहे. गंगापूर रोडवरील श्री गुरुजी रुग्णालयात हा प्रकार घडला. तो सीसीटीव्ही फुटेजमध्ये कैद झाला आहे.
ही घटना सीसीटीव्ही फुटेजमध्ये कैद झाली आहे. रुग्णालयातील वॉर्ड बॉयने पीपीई किट घालून इंजेक्शनची चोरी केल्याचे यात दिसून येत आहे. या प्रकरणी पोलिसांनी वॉर्ड बॉयसह त्याच्या दोन सहकाऱ्यांना अटक करण्यात आली आहे. रुग्णालय प्रशासनाने राजेश विश्वकर्मा या रुग्णासाठी हे इंजेक्शन राखीव ठेवले होते, अशी माहिती देण्यात आली.
ही घटना सीसीटीव्ही फुटेजमध्ये कैद झाली आहे. रुग्णालयातील वॉर्ड बॉयने पीपीई किट घालून इंजेक्शनची चोरी केल्याचे यात दिसून येत आहे. या प्रकरणी पोलिसांनी वॉर्ड बॉयसह त्याच्या दोन सहकाऱ्यांना अटक करण्यात आली आहे. रुग्णालय प्रशासनाने राजेश विश्वकर्मा या रुग्णासाठी हे इंजेक्शन राखीव ठेवले होते, अशी माहिती देण्यात आली.