पैसे हातात ठेवा, डबल करतो! साधू बनून चमत्कार करायला गेले, त्यांच्यासोबत भलताच प्रकार घडला

धौलपूर: राजस्थानच्या धौलपूर जिल्ह्यात जादूटोणा करून लोकांना फसवणाऱ्या तिघांना पोलिसांनी अटक केली आहे. तिघे ठग साधूंच्या वेशभूषेत आले होते. त्यांनी एका प्रिंटरच्या दुकानात एकाची फसवणूक केली. आपली फसवणूक झाल्याचं पीडित व्यक्तीच्या लक्षात आलं. त्यानं अन्य दुकानदारांच्या मदतीनं साधूंच्या वेशात असलेल्या भामट्यांना पकडलं. त्यांना बेदम मारहाण करून पोलिसांच्या ताब्यात दिलं.

पोलिसांनी आरोपींना पकडून त्यांची चौकशी सुरू केली आहे. आरोपी लोकांकडून रोकड घेऊन ती दुप्पट करण्याचा दावा करून रोख घेऊन फरार व्हायचे. तिघांनी अनेक ठिकाणी अशा प्रकारे लोकांची फसवणूक केली आहे. आरोपींनी पोलिसांकडे त्यांच्या गुन्ह्यांची कबुली दिली आहे.
घटस्फोटाचा अर्ज, फॅमिली कोर्टानं समजावलं; बाहेर येताच पतीनं टोकाचं पाऊल उचललं
आपण आपल्या दुकानात बसलो असताना तीन जण साधूंच्या वेशात आले आणि त्यांनी काही रक्कम एका कागदावर ठेवली, असं बाडी परिसरात असलेल्या महाराज बाग येथील अचल प्रेसचे संचालक असलेल्या सोनम माथूर यांनी सांगितलं. साधूंनी पैशांवर पान आणि सुपारी ठेवली आणि डोळे बंद करण्यास सांगितलं. यानंतर माथूर यांनी डोळे बंद केले आणि ५० रुपयांच्या जागी त्यांना १०० रुपयांची नोट दिसली.
१५ साप, ५ अजगर, २ कासवं, १ माकड! एअरपोर्टवर प्रवाशाला अडवले; बॅगेत दुर्मीळ प्राणी सापडले
यानंतर साधूंच्या वेशात असलेल्या भामट्यांनी माथूर यांना त्यांच्या खिशातले सगळे पैसे काढण्यास सांगितलं. भामट्यांनी पैशांवर जादू केली आणि तिघेही गायब झाले. यानंतर माथूर यांनी त्यांच्यासोबत घडलेला प्रकार आसपास असलेल्या काहींना सांगितला. दुकानदारांनी तीन संशयितांना जुन्या बाजारातून पकडलं आणि पोलिसांच्या ताब्यात दिलं. सोनीनाथ, अमनदीप आणि सोमनाथ अशी आरोपींची नावं असून ते पंजाबचे रहिवासी आहेत.

पैसे दुप्पट करण्याचं आणि भूत उतरवण्याचा दावा करून लोकांना फसवणाऱ्या तीन आरोपींना अटक करण्यात आल्याचं पोलीस उपनिरीक्षक पद्मसिंह यांनी सांगितलं. सध्या पोलीस आरोपींची चौकशी करत आहेत.