धक्कादायक! कुत्र्याला दुचाकीला बांधून फरफटत नेले; दोघांविरोधात गुन्हा दाखल

औरंगाबाद: दुचाकीला कुत्र्याला दोरीने बांधून रस्त्यावरून फरफट नेणाऱ्या दोघाजणांविरोधात अखेर गुन्हा नोंदवण्यात आला आहे. या प्रकाराचा व्हिडिओ सोशल मीडियावर व्हायरल झाल्यानंतर पर्यावरण मंत्री आदित्य ठाकरे यांनी याप्रकरणी गुन्हा नोंदवण्याचे आदेश दिल्यानंतर पोलिसांनी हा गुन्हा नोंदवला असून दोन्ही दुचाकीस्वाराचा शोध घेत आहे.

काल दुपारी ४ वाजेच्या सुमारास अजबनगरातील तिरूपती वाशिंग जवळ दुचाकी (एमएच-२०-९४३६) स्वार एका दोरीने एका पांढऱ्या रंगाच्या कुत्र्याला बांधून ओढत असल्याचा व्हिडिओ फेससबुकवर आणि ट्वीटरवर व्हॉयरल झाला होता. हा व्हिडिओ व्हायरल करणाऱ्या व्यक्तीने पर्यावरण मंत्री आदित्य ठाकरे यांना टॅग केले होते. त्यामुळे आदित्य ठाकरे यांनी या प्रकरणाची गंभीर दखल घेऊन औरंगाबाद पोलिसांना तात्काळ गुन्हा नोंदवण्याचे आदेश दिले. त्यानंतर पीपल फॉर अॅनिमल या स्वयंसेवी संघटनेचे पुष्कर भास्कर शिंदे यांनी आज सकाळी संबधित दुचाकीस्वाराविरूध्द क्रांतीचौक पोलीस ठाण्यात तक्रार दिली. तक्रारीवरून पोलिस निरीक्षक निर्मला परदेशी यांनी दुचाकीस्वाराविरूध्द गुन्हा दाखल करून तपासाला सुरुवात केली आहे. या दोन्ही दुचाकीस्वारांचा शोध घेण्यात येत आहे. सोशल मीडियावर व्हायरल झालेल्या व्हिडिओच्या माध्यमातून या दोन्ही आरोपींचा शोध घेतला जात आहेत.

भाविकांनो, धार्मिक स्थळांवर जाताना ही काळजी नक्की घ्या!