म. टा. प्रतिनिधी, ठाणे
डोक्यात लोखंडी हातोडी मारून पतीने पत्नीची हत्या केल्याचा प्रकार कळवा परिसरात घडला असून पत्नीच्या हत्येनंतर पती फरार झाला आहे. कळव्यातील सुकुर पार्कमध्ये राहणाऱ्या संजय पाटील (३९) आणि त्याची पत्नी माधुरी (३१) या दोघांचे फोन बंद असल्याने याबाबत त्यांच्या एका नातेवाईकाने पोलिसांना माहिती दिली. पोलिस घरी गेल्यानंतर घरात माधुरी हिचा मृतदेह आढळून आला. संजय याने पत्नीची घरातच कोणत्यातरी कारणावरून डोक्यात लोखंडी हातोडी मारून हत्या केली. हत्येचा हा प्रकार शुक्रवारी सायंकाळी ६ ते शनिवारी सायंकाळी ६ वाजताच्या दरम्यान घडला आहे. या प्रकरणी संजयविरुद्ध शनिवारी मध्यरात्री कळवा पोलिस ठाण्यात गुन्हा दाखल करण्यात आला. हत्येनंतर संजय फरारी झाला असून त्याचा फोनही बंद आहे. पाटील दाम्पत्याला एक मुलगी आहे, अशी माहिती पोलिसांनी दिली. संजयने मुलीला शेजाऱ्यांच्या घरी ठेवले होते, असेही पोलिसांनी सांगितले.
डोक्यात लोखंडी हातोडी मारून पतीने पत्नीची हत्या केल्याचा प्रकार कळवा परिसरात घडला असून पत्नीच्या हत्येनंतर पती फरार झाला आहे. कळव्यातील सुकुर पार्कमध्ये राहणाऱ्या संजय पाटील (३९) आणि त्याची पत्नी माधुरी (३१) या दोघांचे फोन बंद असल्याने याबाबत त्यांच्या एका नातेवाईकाने पोलिसांना माहिती दिली. पोलिस घरी गेल्यानंतर घरात माधुरी हिचा मृतदेह आढळून आला. संजय याने पत्नीची घरातच कोणत्यातरी कारणावरून डोक्यात लोखंडी हातोडी मारून हत्या केली. हत्येचा हा प्रकार शुक्रवारी सायंकाळी ६ ते शनिवारी सायंकाळी ६ वाजताच्या दरम्यान घडला आहे. या प्रकरणी संजयविरुद्ध शनिवारी मध्यरात्री कळवा पोलिस ठाण्यात गुन्हा दाखल करण्यात आला. हत्येनंतर संजय फरारी झाला असून त्याचा फोनही बंद आहे. पाटील दाम्पत्याला एक मुलगी आहे, अशी माहिती पोलिसांनी दिली. संजयने मुलीला शेजाऱ्यांच्या घरी ठेवले होते, असेही पोलिसांनी सांगितले.