म. टा. खास प्रतिनिधी, मुंबई
मराठी आणि हिंदी सिनेसृष्टीतील एका प्रसिद्ध आणि ज्येष्ठ अभिनेत्रीला ऑनलाइन दारू मागविणे चांगलेच महागात पडले आहे. भाच्याच्या लग्नाच्या पार्टीसाठी अभिनेत्रीने पाच हजारांची व्हिस्की मागवली. परंतु यासाठी या अभिनेत्रीला तब्बल तीन लाख मोजावे लागले. व्हिस्की घरपोच आलीच नाही आणि तीन लाखही गेले. याप्रकरणी अभिनेत्रीच्या तक्रारीवरून शिवाजी पार्क पोलिस ठाण्यात गुन्हा दाखल करण्यात आला आहे.
दादर पश्चिमेकडील एका सोसायटीमध्ये राहणाऱ्या ७३ वर्षीय अभिनेत्रीच्या भाच्याच्या लग्नाचा वाढदिवस होता. त्यानिमित्त आयोजित करण्यात आलेल्या पार्टीसाठी तिला अमृत व्हिस्कीची बाटली गिफ्ट म्हणून द्यायची होती. तिने गुगल सर्च इंजिनवरून दादर शिवाजी पार्क परिसरातील वाइन शॉपचा शोध घेतला. त्यावेळी मिळालेल्या मोबाइल क्रमांकावर संपर्क करून तिने अमृत व्हिस्कीची एक बाटली ऑर्डर केली. या बाटलीचे ४ हजार ८०० रुपये तिने गुगल पेच्या माध्यमातून पाठविले. पैसे पाठवूनही व्हिस्की न मिळाल्याने अभिनेत्रीने पुन्हा त्याच मोबाइल क्रमांकावर संपर्क केला. त्यावेळी समोरच्या व्यक्तीने नोंदणी केल्याशिवाय पैसे ट्रान्सफर होत नसल्याचे सांगून मोबाइलवर आलेला ओटीपी मागितला. अभिनेत्रीने ओटीपी देताच एक लाख २३ हजाराची रक्कम तिच्या खात्यामधून वजा झाली.
अभिनेत्रीने पुन्हा या व्यक्तीशी संपर्क केले असता ही सर्व रक्कम तुमच्या खात्यामध्ये पुन्हा जमा होईल, असे सांगितले. अभिनेत्रीकडून तिच्या क्रेडिट कार्डची माहिती घेतली. क्रेडिट कार्डचा तपशील मिळताच त्यांच्या खात्यामधून आणखी एक लाख ८१ हजार परस्पर वळविण्यात आले. पैसे जात असल्याचे संदेश येत असल्याने त्यांनी परिचयातील अन्य व्यक्तीला विचारला असता त्याने ही फसवणूक असल्याचे निदर्शनास आणून दिले.
मराठी आणि हिंदी सिनेसृष्टीतील एका प्रसिद्ध आणि ज्येष्ठ अभिनेत्रीला ऑनलाइन दारू मागविणे चांगलेच महागात पडले आहे. भाच्याच्या लग्नाच्या पार्टीसाठी अभिनेत्रीने पाच हजारांची व्हिस्की मागवली. परंतु यासाठी या अभिनेत्रीला तब्बल तीन लाख मोजावे लागले. व्हिस्की घरपोच आलीच नाही आणि तीन लाखही गेले. याप्रकरणी अभिनेत्रीच्या तक्रारीवरून शिवाजी पार्क पोलिस ठाण्यात गुन्हा दाखल करण्यात आला आहे.
दादर पश्चिमेकडील एका सोसायटीमध्ये राहणाऱ्या ७३ वर्षीय अभिनेत्रीच्या भाच्याच्या लग्नाचा वाढदिवस होता. त्यानिमित्त आयोजित करण्यात आलेल्या पार्टीसाठी तिला अमृत व्हिस्कीची बाटली गिफ्ट म्हणून द्यायची होती. तिने गुगल सर्च इंजिनवरून दादर शिवाजी पार्क परिसरातील वाइन शॉपचा शोध घेतला. त्यावेळी मिळालेल्या मोबाइल क्रमांकावर संपर्क करून तिने अमृत व्हिस्कीची एक बाटली ऑर्डर केली. या बाटलीचे ४ हजार ८०० रुपये तिने गुगल पेच्या माध्यमातून पाठविले. पैसे पाठवूनही व्हिस्की न मिळाल्याने अभिनेत्रीने पुन्हा त्याच मोबाइल क्रमांकावर संपर्क केला. त्यावेळी समोरच्या व्यक्तीने नोंदणी केल्याशिवाय पैसे ट्रान्सफर होत नसल्याचे सांगून मोबाइलवर आलेला ओटीपी मागितला. अभिनेत्रीने ओटीपी देताच एक लाख २३ हजाराची रक्कम तिच्या खात्यामधून वजा झाली.
अभिनेत्रीने पुन्हा या व्यक्तीशी संपर्क केले असता ही सर्व रक्कम तुमच्या खात्यामध्ये पुन्हा जमा होईल, असे सांगितले. अभिनेत्रीकडून तिच्या क्रेडिट कार्डची माहिती घेतली. क्रेडिट कार्डचा तपशील मिळताच त्यांच्या खात्यामधून आणखी एक लाख ८१ हजार परस्पर वळविण्यात आले. पैसे जात असल्याचे संदेश येत असल्याने त्यांनी परिचयातील अन्य व्यक्तीला विचारला असता त्याने ही फसवणूक असल्याचे निदर्शनास आणून दिले.