VIDEO: दीड हजारांची उधारी परत केली नाही; तरुणाला स्कूटरला बांधलं, २ किलोमीटर पळवलं

कटक: ओदिशाच्या कटकमध्ये एका तरुणाला स्कूटरनं बांधून त्याला पळवण्यात आल्याची घटना घडली आहे. पीडित तरुणाला तरुणांनी २ किलोमीटर पळवलं. या घटनेची माहिती पोलिसांना रात्री ११ च्या सुमारास मिळाली. यानंतर पोलिसांनी तपास सुरू केला आहे.

पीडित आणि आरोपींची ओळख पटल्याचं कटकचे डीसीपी पिनाक मिश्रा यांनी सांगितलं. पोलिसांनी आरोपीला अटक केली आहे. पीडित तरुणाचं नाव जगन्नाथ बेहरा असं आहे. तो आरोपीला ओळखतो. बेहरानं आरोपीकडून १५०० रुपये उधार घेतले होते. मात्र त्याला ते पैसे वेळेत परत करता आले नाहीत. त्यामुळे संतापलेल्या आरोपीनं त्याला स्कूटरला बांधलं आणि २ किलोमीटर पळवलं.
चिता रचली, लेकाला झोपवले, फोटो काढले; वडिलांनी रचला लेकाच्या मृत्यूचा बनाव; कारण...
एएनआय वृत्तसंस्थेनं घटनेचे फोटो प्रसिद्ध केले आहेत. त्यात काही तरुण जगन्नाथला स्कूटरला बांधून पळवताना दिसत आहेत. रस्त्यावर अनेक वाहनं आहेत. काही जण घटनेचं चित्रिकरण करत आहेत. जगन्नाथ लाल काळ्या रंगाचा शर्ट आणि निळी जीन्स घालून धावत आहे. स्कूटर चालवणाऱ्या तरुणानं काळ्या रंगाचा टी-शर्ट परिधान केला आहे. हे फोटो मागून जाणाऱ्या कार चालकानं टिपले आहेत.

गेल्या महिन्यात जोधपूरमध्ये एका डॉक्टरनं कुत्र्याला दोरीनं बांधून फरफटत नेलं होतं. या घटनेचा व्हिडीओ व्हायरल झाला होता. कुत्रा डॉक्टरांच्या घरात शिरला होता. त्यामुळे संतापलेल्या डॉक्टरनं कुत्र्याला बांधून फरफटवलं. काही दुचाकीस्वारांनी कुत्र्याचा जीव वाचवून डॉक्टरांविरोधात एफआयआर दाखल केला.