आदिवासी विद्यार्थिनीला हेडमास्तरने पुस्तक घेण्यासाठी घरी बोलावले, त्यानंतर...

हजारीबाग: झारखंडमधील दुमका, खुंटीसह अन्य ठिकाणी घडलेल्या घटनांनंतर आता हजारीबागमध्ये आदिवासी विद्यार्थिनीवर बलात्कार झाल्याची घटना उघडकीस आली आहे. कटकमदाग पोलीस ठाण्याच्या हद्दीत खीरगढा गावात ही घटना घडली. अकरावीत शिकणाऱ्या पीडित विद्यार्थिनीने हेडमास्तरवर आरोप केला आहे. गेल्या १ नोव्हेंबरला पुस्तक देण्याच्या बहाण्याने हेडमास्तरने घरी बोलावले. मिठाईतून गुंगीचे औषध दिले. बेशुद्ध झाल्यानंतर त्याने बलात्कार केला, असे पीडितेने सांगितले.

पीडितेने सर्व हकिकत सांगितली. हेडमास्तरने धमकावून अनेकदा शिकवणीच्या बहाण्याने घरी बोलावले. १९ डिसेंबरलाही त्याने बलात्कार केला. प्रतिकार केला असता, बल्बच्या काचेने हातावर वार करून जखमी केले, असे तिने सांगितले. कुटुंबीयांना जीवे मारण्याची आणि मुलीचे आयुष्य उद्ध्वस्त करण्याची धमकी हेडमास्तरकडून दिली जात आहे, असा आरोप कुटुंबीयांनी केला.

पत्नीसोबत तरुणाचे अनैतिक संबंध असल्याचा संशय; पतीच्या कृत्याने सगळेच हादरले

मुलीवर बलात्कार झाल्याची माहिती मिळताच, २० डिसेंबरला कटकमदाग पोलीस ठाण्यात धाव घेतली. मात्र, पोलिसांनी दखल घेतली नाही. या घटनेची माहिती आदिवासी विद्यार्थी संघटनेला दिल्यानंतर पोलीस अधीक्षकांनी या प्रकरणाची गंभीर दखल घेतली, असे कुटुंबीयांचे म्हणणे आहे. पोलीस अधीक्षकांनी कारवाई करण्याचे आश्वासन दिले आहे. तर कठोर कारवाईचे आदेश कटकमदाग पोलिसांना दिले आहेत, असे वरिष्ठ पोलीस अधिकाऱ्यांनी सांगितले. या प्रकरणात दोषीवर कारवाई न झाल्यास तीव्र आंदोलन करण्याचा इशारा आदिवासी विद्यार्थी संघटनेने दिला आहे.