फ्री चिकन दिले नाही म्हणून केला हवेत गोळीबार

वसई: मोफत चिकनच्या मागणीवरून उद्भवलेल्या वादातून चिकनविक्रीच्या दुकानाजवळ एका तरुणाने हवेत गोळीबार केल्याची घटना माणिकपूर पोलिस ठाण्याच्या हद्दीत घडली. याप्रकरणी गोळीबार करणाऱ्यासह आणखी दोघांवर गुन्हा दाखल करण्यात आला असून माणिकपूर पोलिसांनी दोघांना अटक केली आहे.

वसई पूर्वेकडील सीताराम बाप्पा नगर येथे रविवारी रात्रीच्या सुमारास इरफान कुरेशी या चिकनविक्रेत्याच्या दुकानावर तीन तरुण आले होते. दुकान बंद करण्याची वेळ असतानाही या तरुणांनी कुरेशी यांच्याकडे चिकनची मागणी केली. त्यांना चिकन दिल्यानंतर कुरेशी यांनी पैशांची मागणी केली. मात्र या तरुणांनी पैसे देण्यास नकार देऊन कुरेशी यांच्याशी वादावादी केली. हा वाद टोकाला गेला आणि यातील एका तरुणाने त्याच्या जवळ असलेल्या छर्ऱ्याच्या बंदुकीतून हवेत गोळीबार केला. तर, दुसऱ्याने कुरेशी यांना सुऱ्याचा धाक दाखवला. या प्रकारानंतर येथे एकच खळबळ उडाली. गोळीबार झाल्याने नागरिकांमध्ये धावपळ उडाली.

पुणे हादरले; भररस्त्यात कोयत्याने सपासप वार करून रिक्षाचालकाची हत्या

डेबिट, क्रेडिट कार्डद्वारे 'अशी' होतेय फसवणूक; 'ही' काळजी घ्या

या छर्ऱ्याच्या बंदुकीतून गोळीबार केल्यामुळे मोठा आवाज झाला. त्यामुळे नागरिकांमध्ये भीतीचे वातावरण पसरले होते. ही घटना कळताच पोलिसांनी या तीन तरुणांपैकी दोघांना ताब्यात घेतले तर तिसरा आरोपी फरार आहे. या प्रकरणी पोलिसांनी तिघांवरही गुन्हा दाखल केला असून अधिक तपास सुरू असल्याचे वसईचे अपर पोलिस अधीक्षक विजयकांत सागर यांनी सांगितले.

दारू मिळाली नाही म्हणून सॅनिटायझर प्यायला अन् जीव गमावला