AMU विद्यार्थ्याची गोळ्या घालून हत्या; दबा धरून बसले होते हल्लेखोर

अलीगढ: उत्तर प्रदेशातील अलीगढ मुस्लीम युनिव्हर्सिटीतील एका विद्यार्थ्याची गोळ्या झाडून हत्या करण्यात आली. शनिवारी रात्री त्याच्या घराजवळच ही घटना घडली. हल्ल्यानंतर आरोपी फरार झाले.

जाकिर नगर गल्ली क्रमांक पाच येथील रहिवासी आतिफ (वय २२) याची शनिवारी रात्री ११ वाजताच्या सुमारास गोळ्या झाडून हत्या करण्यात आली. तो मित्रासोबत दुचाकीवरून घरी परतत होता. त्याचलेळी मिठाईच्या दुकानाजवळ दबा धरून बसलेल्या चौघांनी त्यांना रोखले. त्यानंतर त्यांच्यावर गोळीबार केला.

मध्यरात्री दोनची वेळ, पती-पत्नी घरात झोपले होते; इतक्यात...

आतिफच्या पाठीवर आणि खांद्यावर गोळ्या लागल्या. तो जमिनीवर कोसळला. त्याच्यासोबत असलेल्या मित्राने कसाबसा जीव वाचवून दुचाकी घेऊन निसटला. हल्लेखोर घटनास्थळावरून पळून गेले. स्थानिकांच्या मदतीने कुटुंबीयांनी आतिफला रुग्णालयात नेले. तिथे डॉक्टरांनी त्याला मृत घोषित केले. पोलीस घटनास्थळी पोहोचले. त्यांनी तपास सुरू केला आहे. तो अलीगढ मुस्लीम युनिव्हर्सिटीमध्ये शिक्षण घेत होता.

घटनेनंतर रुग्णालयात विद्यार्थ्यांची गर्दी झाली होती. आरोपींच्या अटकेची मागणी करत त्यांनी परिसरात गोंधळ घातला. पोलिसांसमवेत वादही झाला. त्यामुळे काही वेळ तणाव होता. पोलिसांनी हस्तक्षेप करून विद्यार्थ्यांची समजूत काढली.

मुलाने आईला तिच्या प्रियकरासोबत आक्षेपार्ह अवस्थेत बघितलं अन्...

सीसीटीव्ही फुटेजची मदत

पोलिसांनी हल्लेखोरांचा शोध घेण्यास सुरुवात केली आहे. परिसरातील सीसीटीव्ही फुटेज तपासले जात आहेत. अंधार असल्याने हल्लेखोर कोण होते हे कळू शकले नाही. सर्व्हिलांस पथकाच्या मदतीने पोलीस आरोपींचा शोध घेत आहेत.