बिजनौर: उत्तर प्रदेशातील बिजनौर येथील एका खासगी कॉलेजमध्ये इंग्रजी विषय शिकवणाऱ्या प्राध्यापिकेच्या हत्या प्रकरणाचा उलगडा झाला आहे. पाच दिवसांपूर्वी ३५ वर्षीय प्रिया शर्मा यांची दिवसाढवळ्या हत्या झाली होती. पोलिसांनी या प्रकरणी एका कॉन्ट्रॅक्ट किलरला अटक केली आहे. पोलिसांच्या माहितीनुसार, या प्राध्यापिकेच्या पतीनेच गुंडांना साडेपाच लाख रुपये देऊन तिची हत्या घडवून आणल्याचा संशय आहे.
बिजनौरचे पोलीस अधीक्षक धर्मवीर सिंह यांनी सांगितले की, 'मंगळवारी रात्री नेहमीप्रमाणे पोलिसांनी गस्त घातली होती. वाहनांची तपासणी केली जात होती. त्याचवेळी दुचाकीवरून आलेल्या दोघांना पोलिसांनी थांबण्यास सांगितले. मात्र, त्यांनी धूम ठोकण्याचा प्रयत्न केला. पोलिसांनी अडवण्याचा प्रयत्न केला असता, दोघांनी त्यांच्यावर गोळीबार केला. प्रत्युत्तरादाखल पोलिसांनी केलेल्या गोळीबारात राजू हा पायाला गोळ्या लागल्याने जखमी झाला. मोरादाबादमध्ये राहणारा त्याचा साथीदार गोलू हा पसार झाला. या चकमकीत पोलीस कॉन्स्टेबल मोनू कुमार हे जखमी झाले होते.'
शार्पशूटर राजू याच्याविरोधात अनेक गुन्हे विविध पोलीस ठाण्यांमध्ये दाखल आहेत. रुग्णालयात दाखल केलेल्या राजूने धक्कादायक माहिती दिली. प्रिया यांच्या हत्येसाठी पती कमल शर्मा याने साडेपाच लाख रुपये दिले होते, असे राजू याने पोलिसांना सांगितले, अशी माहितीही पोलिसांनी दिली.
प्रिया यांची २९ ऑक्टोबर रोजी शहरातील उच्चभ्रू वस्ती असलेल्या साकेत कॉलनी परिसरात गोळ्या घालून हत्या झाली होती. स्थानिकांच्या माहितीनुसार, गोळीबाराचा आवाज ऐकल्यानंतर घरातून बाहेर पडलो असता, प्रिया या जखमी अवस्थेत जमिनीवर पडल्या होत्या. काहींनी दुचाकीवरून दोघांना जाताना बघितले होते. प्रिया यांचा जागीच मृत्यू झाला होता.
बिजनौरचे पोलीस अधीक्षक धर्मवीर सिंह यांनी सांगितले की, 'मंगळवारी रात्री नेहमीप्रमाणे पोलिसांनी गस्त घातली होती. वाहनांची तपासणी केली जात होती. त्याचवेळी दुचाकीवरून आलेल्या दोघांना पोलिसांनी थांबण्यास सांगितले. मात्र, त्यांनी धूम ठोकण्याचा प्रयत्न केला. पोलिसांनी अडवण्याचा प्रयत्न केला असता, दोघांनी त्यांच्यावर गोळीबार केला. प्रत्युत्तरादाखल पोलिसांनी केलेल्या गोळीबारात राजू हा पायाला गोळ्या लागल्याने जखमी झाला. मोरादाबादमध्ये राहणारा त्याचा साथीदार गोलू हा पसार झाला. या चकमकीत पोलीस कॉन्स्टेबल मोनू कुमार हे जखमी झाले होते.'
शार्पशूटर राजू याच्याविरोधात अनेक गुन्हे विविध पोलीस ठाण्यांमध्ये दाखल आहेत. रुग्णालयात दाखल केलेल्या राजूने धक्कादायक माहिती दिली. प्रिया यांच्या हत्येसाठी पती कमल शर्मा याने साडेपाच लाख रुपये दिले होते, असे राजू याने पोलिसांना सांगितले, अशी माहितीही पोलिसांनी दिली.
प्रिया यांची २९ ऑक्टोबर रोजी शहरातील उच्चभ्रू वस्ती असलेल्या साकेत कॉलनी परिसरात गोळ्या घालून हत्या झाली होती. स्थानिकांच्या माहितीनुसार, गोळीबाराचा आवाज ऐकल्यानंतर घरातून बाहेर पडलो असता, प्रिया या जखमी अवस्थेत जमिनीवर पडल्या होत्या. काहींनी दुचाकीवरून दोघांना जाताना बघितले होते. प्रिया यांचा जागीच मृत्यू झाला होता.