आग्रा: जन्मदात्या आईचाच गळा आवळून खून करणाऱ्या मुलाला आणि त्याच्या तीन साथीदारांना पोलिसांनी बेड्या ठोकल्या आहेत. आरोपी मुलाने आणि साथीदारांनी ज्वेलर्सच्या घरातून रोकड आणि दागिने असा १ कोटी रुपयांचा मुद्देमाल चोरून नेला होता. अवघ्या ४८ तासांत पोलिसांनी या घटनेचा छडा लावला. उत्तर प्रदेशातील अलीगढ येथील सरोजनगर कॉलनीत ही घटना घडली. २४ वर्षीय योगेशचे लग्न झाले होते. त्यानंतर तो वेगळा राहत होता. त्याला आर्थिक चणचण भासू लागली. त्याची आईही त्याला आर्थिक मदत करत नव्हती. नैराश्य आलेल्या योगेशने साथीदारांच्या मदतीने आपल्या आईची गळा आवळून हत्या केली. कांचन वर्मा असे हत्या झालेल्या महिलेचे नाव आहे. योगेशला आणि त्याच्या तीन साथीदारांना पोलिसांनी अटक केली आहे. त्यात दोन तरुणी आहेत. त्यांच्याकडून चोरलेले सोन्याचे, चांदीचे आणि हिऱ्यांचे दागिने जप्त केले आहेत.
अलीगढ पोलिसांनी अवघ्या ४८ तासांत घटनेचा तपास करून आरोपींना अटक केली. आरोपींनी एकही पुरावा मागे सोडला नव्हता. पोलिसांनी सांगितले की, सराफ कुलदीप वर्मा यांचा मुलगा योगेश याने कॉमर्समधून पदवीपर्यंत शिक्षण घेतले आहे. घरच्यांच्या विरोधात जाऊन त्याने विवाहित महिलेशी लग्न केले होते. सहा महिन्यांपासून तो वेगळा राहात होता. तो बेरोजगार होता. त्याला आर्थिक चणचण भासू लागली होती. त्याने स्वतःच्याच घरात चोरी करण्याचा कट आखला. त्याची पत्नी सोनम, मित्र तनूज चौधरी, त्याची गर्लफ्रेंड शेजल चव्हाण यांनाही त्यात सामील केले.
घटनेच्या दिवशी योगेशने आपल्या गरोदर पत्नीला रुग्णालयात सोडले. त्यानंतर तो घरी गेला. सोबत तनूज आणि शेजल होते. शेजल ही घरापासून काही अंतरावर लक्ष ठेवत होती. दोघे घरात गेले. कांचन यांनी दरवाजा उघडला. योगेशने त्यांचा साडीने गळा आवळला. त्यानंतर तिचा मृतदेह बाथरूममध्ये फरफटत नेला. गुन्हा केल्यानंतर त्यांनी मागे एकही पुरावा सोडला नाही. कांचन या बाथरूममध्ये बेशुद्धावस्थेत पडलेल्या शेजारणीला दिसल्या. तिने आरडाओरडा केला. इतरांच्या मदतीने दरवाजा उघडला. पोलिसांना कळवले. त्यानंतर कांचन यांना रुग्णालयात नेले. तेथे त्यांना मृत घोषित केले. घटना घडली तेव्हा कुलदीप वर्मा हे दुकानात होते, अशी माहिती पोलिसांनी दिली.
अलीगढ पोलिसांनी अवघ्या ४८ तासांत घटनेचा तपास करून आरोपींना अटक केली. आरोपींनी एकही पुरावा मागे सोडला नव्हता. पोलिसांनी सांगितले की, सराफ कुलदीप वर्मा यांचा मुलगा योगेश याने कॉमर्समधून पदवीपर्यंत शिक्षण घेतले आहे. घरच्यांच्या विरोधात जाऊन त्याने विवाहित महिलेशी लग्न केले होते. सहा महिन्यांपासून तो वेगळा राहात होता. तो बेरोजगार होता. त्याला आर्थिक चणचण भासू लागली होती. त्याने स्वतःच्याच घरात चोरी करण्याचा कट आखला. त्याची पत्नी सोनम, मित्र तनूज चौधरी, त्याची गर्लफ्रेंड शेजल चव्हाण यांनाही त्यात सामील केले.
घटनेच्या दिवशी योगेशने आपल्या गरोदर पत्नीला रुग्णालयात सोडले. त्यानंतर तो घरी गेला. सोबत तनूज आणि शेजल होते. शेजल ही घरापासून काही अंतरावर लक्ष ठेवत होती. दोघे घरात गेले. कांचन यांनी दरवाजा उघडला. योगेशने त्यांचा साडीने गळा आवळला. त्यानंतर तिचा मृतदेह बाथरूममध्ये फरफटत नेला. गुन्हा केल्यानंतर त्यांनी मागे एकही पुरावा सोडला नाही. कांचन या बाथरूममध्ये बेशुद्धावस्थेत पडलेल्या शेजारणीला दिसल्या. तिने आरडाओरडा केला. इतरांच्या मदतीने दरवाजा उघडला. पोलिसांना कळवले. त्यानंतर कांचन यांना रुग्णालयात नेले. तेथे त्यांना मृत घोषित केले. घटना घडली तेव्हा कुलदीप वर्मा हे दुकानात होते, अशी माहिती पोलिसांनी दिली.