बहिणीच्या मैत्रिणीवर जडलं प्रेम; गर्लफ्रेंडला घेऊन प्रिन्स झाला पसार

गाझीपूर: उत्तर प्रदेशातील गाझीपूरमध्ये एका तरुणाचे बहिणीच्या मैत्रिणीवर प्रेम जडले. त्याने बहिणीच्या मदतीने तिला पळवून नेले. मुलीच्या कुटुंबीयांनी तीव्र नाराजी व्यक्त केली असून, त्यांनी तरुणाविरोधात अपहरणाची तक्रार दिली आहे. खानपूर पोलीस ठाण्याच्या हद्दीतील अलिमापूर गावात ही घटना घडली.

अलिमापूरमधील रहिवासी प्रिन्सचे बहिणीच्या मैत्रिणीवर प्रेम जडले होते. पोलिसांत दिलेल्या तक्रारीत मुलीच्या आईने सांगितले की, १२ ऑक्टोबरला आरोपी तरूण त्याच्या बहिणीसोबत घरी आला होता. मुलीला बाजारात घेऊन जाण्याच्या बहाण्याने घरातून घेऊन गेले. त्यानंतर त्यांची मुलगी घरी परतलीच नाही. त्यानंतर दोघे भाऊ-बहीणही त्यांच्या घरी परतले नाहीत. मात्र, त्याच्या दुसऱ्या दिवशी तरुणाची बहीण घरी परतली. खानपूर पोलिसांनी या प्रकरणी गुन्हा दाखल केला आहे. आरोपी तरुणाचा शोध घेतला जात आहे, अशी माहिती पोलिसांनी दिली.

गर्लफ्रेंडचं लग्न दुसऱ्याशी ठरलं, बॉयफ्रेंडने दिली हत्येची सुपारी

उत्तर प्रदेशातीलच बस्ती जिल्ह्यात एक धक्कादायक घटना उघडकीस आली आहे. प्रेयसीचे लग्न दुसऱ्या तरुणासोबत ठरल्याने संतापलेल्या तरुणाने तिच्या होणाऱ्या नवऱ्याच्या हत्येची सुपारी दिली. त्याआधीच पोलिसांनी आरोपीसह चौघांना अटक केली आहे. तरुणाने प्रेयसीच्या होणाऱ्या नवऱ्याच्या हत्येसाठी तिघांना १ लाख २० हजार रुपये दिले होते. अॅडव्हान्स म्हणून तरुणाने त्यांना ७० हजार रुपये दिले होते. खबऱ्यांनी दिलेल्या माहितीवरून पोलिसांनी आरोपींना अटक केली.

मुंबई: पत्नी घरात झोपली होती, १२ वर्षीय मुलीवर सावत्र बापाने केला बलात्कार

Gujarat : जन्मदात्या पित्याने ३ मुलींची केली हत्या, त्यानंतर पत्नीलाही विष पाजले

पिंपरी: पोलीस आयुक्तांच्या नावाने फेसबुकवर बनावट खाते, यूजर्सकडे मागितले पैसे