Greater Noida: रात्रीचे ११ वाजले होते, 'तो' तरुणीच्या घरात घुसला अन्

ग्रेटर नोएडा: उत्तर प्रदेशातील ग्रेटर नोएडामध्ये रविवारी रात्री धक्कादायक घटना घडली. एक व्यक्ती २६ वर्षीय तरुणीच्या घरात घुसला आणि त्याने तिचा विनयभंग करण्याचा प्रयत्न केला. तिने आरडाओरड केली असता, आरोपीने तिच्यावर काठीने हल्ला केला. त्यानंतर घरातून पसार झाला. यात तरुणीचा पाय फ्रॅक्चर झाला आहे.

या घटनेनंतर तरुणीच्या लहान बहिणीने पोलीस ठाण्यात तक्रार दाखल केली आहे. रविवारी रात्री अकरा वाजताच्या सुमारास एक व्यक्ती घरात घुसली आणि त्याने माझ्या मोठ्या बहिणीचा विनयभंग केला. माझ्या बहिणीने बचावासाठी आरडाओरड केल्यानंतर आम्ही तिच्या मदतीसाठी धावलो. त्यावेळी आरोपीने तिच्यावर काठीने प्रहार केले. तिच्या पायावरही जोराने प्रहार केला, असे तिने तक्रारीत म्हटले आहे.

आरोपीने तरुणीच्या बचावासाठी धावून गेलेल्या मुलीलाही मारहाण केली. या घटनेत जखमी झालेल्या तरुणीला तिच्या कुटुंबीयांनी तात्काळ विलासपूर येथील खासगी रुग्णालयात दाखल केले. आरोपीला ओळखत नाही, असे तरुणीच्या वडिलांनी पोलिसांना सांगितले. तो कोणत्या हेतूने घरात घुसला, हल्ल्यामागील कारण काय हे सांगता येणार नाही, असेही कुटुंबीयांनी सांगितले. या घटनेची माहिती मिळताच, पोलीस तरुणीच्या घरी पोहोचले. आरोपी तेथून पसार झाला होता. आरोपीचा शोध घेण्यात येत आहे, असे पोलिसांनी सांगितले. या प्रकरणी पोलिसांनी अनोळखी व्यक्तीविरोधात गुन्हा दाखल केला आहे.

राज्यभरातून दुचाकी, कार चोरायचे; अट्टल चोरांना 'असे' केले गजाआड

धक्कादायक! तरुणीनं एक्स बॉयफ्रेंडला भेटायला बोलावलं; अॅसिड फेकले

पुणे: IT इंजिनीअरने बायोडाटा केला अपलोड; गमावले २० लाख रुपये

CCTV: नागपुरात मध्यरात्री कार पेटवली, ८ वाहनांची केली तोडफोड