महिलेचे अनैतिक संबंध असल्याचा संशय; बॉयफ्रेंड घरात घुसला अन्...

मेरठ: उत्तर प्रदेशच्या मेरठमध्ये महिलेची गळा चिरून हत्या केल्याची खळबळजनक घटना घडली आहे. पोलिसांनी आरोपीला अटक केली आहे. अनैतिक संबंधांच्या संशयावरून प्रियकराने तिची हत्या केल्याची माहिती मिळाली आहे.

मेरठमधील ब्रह्मपुरी परिसरात ही घटना घडली आहे. महिला हरीनगरमधील आपल्या कुटुंबीयांसोबत राहात होती. तिचा ब्युटी पार्लरचा व्यवसाय होता. गेल्या अनेक वर्षांपासून महिलेचे एका तरुणासोबत अनैतिक संबंध होते. लग्न होऊनही महिला आणि त्या तरुणाचे प्रेमसंबंध होते. महिलेचे अन्य तरुणाशी अनैतिक संबंध होते, असा संशय होता. यावरून प्रियकराने तिची हत्या केली, असे सांगितले जात आहे.

पालघरमध्ये ज्वेलर्सवर दरोडा; १४ किलो सोने, ६० लाखांची रोकड पळवली

महिलेचे अन्य एका तरुणाशी अनैतिक संबंध असल्याचा संशय आल्याने आरोपी तिच्या घरात घुसला आणि तिची गळा चिरून हत्या केली. हत्येच्या घटनेनंतर परिसरात खळबळ माजली आहे. आजूबाजूचे लोक जमले. त्यांनी आरोपीला पकडले. या घटनेची माहिती मिळाल्यानंतर पोलीस घटनास्थळी पोहोचले. त्यांनी आरोपीला अटक केली आहे. मृतदेह ताब्यात घेऊन शवविच्छेदनासाठी रुग्णालयात पाठवला आहे. महिलेचा पती दिल्लीत नोकरी करतो. या हत्येच्या घटनेने संपूर्ण कुटुंब हादरून गेले आहे. पोलीस या घटनेचा पुढील तपास करत आहेत.