पोलीस अधिकाऱ्यानं महिलेसमोरच केलं हस्तमैथुन; व्हिडिओ व्हायरल

देवरिया: सर्वसामान्यांचे रक्षण करणाऱ्या खाकी वर्दीला कलंकित करणारी घटना उत्तर प्रदेशच्या देवरियामध्ये घडली आहे. पोलीस ठाण्यात तक्रार नोंदवण्यासाठी आलेल्या महिलेसमोरच पोलीस अधिकाऱ्याने हस्तमैथुन करण्यास सुरुवात केली. या घटनेचा व्हिडिओ व्हायरल झाल्यानंतर आरोपी पोलीस अधिकाऱ्याला निलंबित करण्यात आले आहे. त्याच्याविरोधात गुन्हा दाखल करण्यात आला आहे.

गोरखपूरनजीकच्या देवरिया जिल्ह्यातील भटनी पोलीस ठाण्यात हा लज्जास्पद आणि धक्कादायक प्रकार घडला. पोलीस ठाण्याचे अधिकारी भीष्मपाल सिंह यादव याच्याकडे एक महिला तक्रार नोंदवण्यासाठी आली. त्याचदरम्यान अधिकाऱ्याने या महिलेसमोरच हस्तमैथुन करण्यास सुरुवात केली असा आरोप आहे. या घटनेचा व्हिडिओ व्हायरल झाला आहे.



संपत्तीचा वाद असून, या प्रकरणी तक्रार नोंदवण्यासाठी मी २२ जून रोजी भटनी पोलीस ठाण्यात गेले होते. त्यावेळी माझ्यासोबत मुलगीही होती. त्याचवेळी भीष्मपालसिंह हे पोलीस ठाण्यात होते. त्यांच्याशी संपत्तीच्या वादाबाबत बोलत होते. तेव्हा भीष्मपाल सिंह यांनी माझ्यासमोरच अश्लिल चाळे करण्यास सुरुवात केली. माझ्या मुलीने या कृत्याचा व्हिडिओ काढला आणि तो माझ्या कुटुंबातील इतर सदस्यांना दाखवला. हा व्हिडिओ शेजारच्या व्यक्तींनी सोशल मीडियावरून फॉरवर्ड केला. तो व्हायरल झाला, असे तक्रारदार महिलेने सांगितले.

पुणे हादरले; भररस्त्यात कोयत्याने सपासप वार करून रिक्षाचालकाची हत्या

क्रूरतेचा कळस! रात्रीची झोपमोड होते म्हणून त्याने कुत्र्याच्या पिलाला...

दरम्यान, पोलीस अधिकाऱ्याच्या या कृत्याचा व्हिडिओ व्हायरल झाल्यानंतर परिसरात प्रचंड संताप व्यक्त करण्यात येत असून, संबंधित पोलीस अधिकाऱ्याविरोधात कारवाई करण्यात यावी, अशी मागणी स्थानिकांकडून करण्यात आली.

दारू मिळाली नाही म्हणून सॅनिटायझर प्यायला अन् जीव गमावला धक्कादायक! ६ वर्षीय बहिणीची भावानं ठोसे मारून केली हत्या

व्हायरल झालेल्या व्हिडिओमध्ये भटनी पोलीस ठाण्याचे अधिकारी भीष्म पाल सिंह फिर्याद नोंदवण्यासाठी आलेल्या महिलेसमोरच हस्तमैथुन करताना दिसत आहेत. या प्रकरणी त्यांच्याविरोधात एफआयआर दाखल करण्यात आला आहे. सिंह यांना निलंबित करण्यात आले आहे. त्यांच्याविरोधात कारवाई करण्यात येत आहे, अशी माहिती देवरियाच्या पोलीस अधीक्षकांनी दिली.