पतीच्या मारहाणीत मुलाचा मृत्यू; पत्नीने 'असा' घेतला सूड

शामली: उत्तर प्रदेशातील शामली येथे दोन दिवसांपूर्वी एका व्यक्तीची हत्या झाली होती. या घटनेचा छडा लावण्यात पोलिसांना यश आले आहे. महिलेने आपल्या मुलाच्या हत्येचा सूड घेतला. तिने आपल्या पतीची हत्या केली. त्यानंतर त्याचा मृतदेह २४ तास लपवून ठेवला होता. त्यानंतर मृतदेह जंगलात फेकून दिला होता.

महिलेने गुन्ह्याची कबुली दिली आहे. २० वर्षांपूर्वी गोहरनी येथे तेजपाल याच्याशी तिचा विवाह झाला होता. लग्नानंतर तेजपाल तिला मारहाण करत होता. जुगार आणि दारूचे त्याला व्यसन होते. महिलेने सांगितले की, साडेतीन महिन्यांपूर्वी पती तेजपाल याने दारूच्या नशेत आपल्या एकुलत्या एक मुलाला बेदम मारहाण केली होती. १६ वर्षीय मुलाच्या गुप्तांगावर गंभीर जखमा झाल्याने त्याचा मृत्यू झाला होता.

मुंबईसह परिसरात एनसीबीचे छापे; ड्रग्ज फॅक्टरी उद्ध्वस्त

१६ जानेवारी रोजी तेजपाल दारूच्या नशेत घरी आला होता. त्याने तिला मारहाण केली. गळा आवळून हत्या करण्याचा प्रयत्न केला. त्याचवेळी महिलेने त्याची हातोड्याने ठेचून हत्या केली. तेजपालच्या हत्या प्रकरणी पोलिसांनी महिलेला अटक केली आहे.