विरारमध्ये अॅसिड हल्ला

म. टा. वृत्तसेवा, वसई

महाराष्ट्र टाइम्स.कॉम

एका जिम मालकावर अॅसिड हल्ला झाल्याची घटना बुधवारी रात्री विरार येथे घडली आहे. हल्लेखोर अजूनही फरार असून याबाबत विरार पोलिस ठाण्यात नोंद करण्यात आली आहे.

विरार येथील स्वीट बॉक्स फिटनेस या जिमचा मालक रितेश कदम याच्यावर बुधवारी रात्री दोन अज्ञात व्यक्तींनी अॅसिड हल्ला केला. त्यानंतर, हा हल्ला विरार येथे राहणाऱ्या हरिश्चंद्र याने केल्याचे पोलिसांना तपासामध्ये आढळले. हरिश्चंद्र याची पत्नी या जिममध्ये व्यायामासाठी येय असे. जिममालक आणि आपल्या पत्नीचे प्रेमसंबंध असल्याचा संशय हरिश्चंद्र याला होता. याचा राग मनात ठेवून हरिश्चंद्रने त्याच्या एक साथीदाराच्या मदतीने अॅसिड हल्ला केल्याचे पोलिसांनी सांगितले. हे दोन्ही आरोपी फरार असून पोलिस त्यांचा शोध घेत आहेत. रितेश हा या हल्ल्यात जखमी झाला असून त्याच्यावर खासगी रुग्णालयात उपचार सुरू आहेत.