अमानवी कृत्य! तरुणाला जबरदस्ती पाजली लघवी

जोधपूर (राजस्थान): पाली जिल्ह्यातील सुमेरपूर अमानवी घटनेमुळं हादरले आहे. काही लोकांनी भारूंदा गावातून एका तरुणाचे अपहरण केले. त्यानंतर सिरोहीजवळ सुपरणा (सरदारपुरा) येथील एका शेतात नेले. तिथे मारहाण केली; तसेच त्याला मद्याच्या बाटलीतून जबरदस्ती लघवी पाजली. गावातीलच एका विवाहितेसोबत प्रेमसंबंध असल्याचा आरोप या तरुणावर आहे.

पीडित तरुणाचे गावातीलच विवाहित महिलेसोबत प्रेमसंबंध होते. त्यामुळे गावातील काही लोक त्याच्यावर संतापलेले होते. त्यामुळे त्यांनी तरुणाचे अपहरण केले. सिरोहीजवळ त्याला घेऊन गेले. तेथे एका शेतात त्याला शिवीगाळ करून मारहाण केली. तसेच त्याला जबरदस्ती लघवी पाजली. आरोपींनी पीडित तरुणाच्या काकाला आणि भावाला घटनास्थळी बोलावले आणि त्यांनाही रात्रभर झाडाला बांधून ठेवले. दुसऱ्या दिवशी सकाळी तरुणाचे आई-वडील घटनास्थळी आले. त्यावेळी आरोपींनी त्यांच्याकडून दंड म्हणून पाच हजार रुपये घेतले.

आरोपींनी तरुणासह त्याच्या कुटुंबीयांना धमकावले आणि गाव सोडून जाण्यास सांगितले. त्यानंतर त्यांना सोडून देण्यात आलं. सुमेरपूर पोलिसांनी चार ते पाच दिवसांनंतर या घटनेची दखल घेतली. काल, मंगळवारी सकाळी या प्रकरणी पाच आरोपींना अटक केली. लक्ष्मणराम देवासी, जवानाराम भीमाराव, नवाराम आणि दरगाराम देवासी अशी त्यांची नावे आहेत. तसंच या घटनेत एक अल्पवयीन मुलगाही आरोपी आहे.

भाजप नेता आणि TikTok स्टार सोनाली फोगाटला थप्पड भोवली

मिठाईवरून लग्नसोहळ्यात हाणामारी; नवरदेवानं केली नवरीच्या भावाची हत्या

धमकीला घाबरून नातेवाईकांकडे राहायला गेले

पीडित कुटुंबाला आरोपींकडून धमकावले जात होते. त्यामुळे भीतीने ते भारुंदा येथील आपल्या नातेवाईकांच्या घरी राहायला गेले. दुसरीकडे पोलिसांनी इतर आरोपींचा शोध सुरू केला आहे. या घटनेची माहिती राज्य नियंत्रण कक्षाला देण्यात आली असून, वरिष्ठ अधिकाऱ्यांनाही कळवले आहे. ही घटना पाली जिल्ह्यातील सुमेरपूर पोलीस ठाण्याच्या हद्दीतील आहे. त्यामुळे तेथील पोलीस या घटनेचा तपास करत आहेत.

व्हिडिओ व्हायरल झाल्यानंतर कारवाई...

या घटनेचा व्हिडिओ सोशल मीडियावर व्हायरल झाल्यानंतर पोलीस प्रशासनानं कारवाई करण्यास सुरुवात केली. अतिरिक्त मुख्य सचिव राजीव स्वरुप आणि पोलीस महासंचालक भूपेंद्र यादव यांनी सिरोही जिल्ह्याच्या पोलीस अधीक्षकांकडे या घटनेचा अहवाल मागितला आहे. पोलिसांचे एक पथक तरुणाच्या घरी गेले होते. मात्र तेथे कोणीही नव्हते. तरुणासह कुटुंबीय गावातून निघून गेल्याचे शेजारच्यांनी पोलिसांना सांगितले. या घटनेतील संशयित पंचही पोलिसांच्या हाती लागले नाहीत.

मजुरानं ATM मधून पैसे काढण्यासाठी मदत मागितली अन्....

चोर समजून तरुणाला मरेपर्यंत मारले; रुग्णालयात नेण्याआधीच सोडला जीव