चार्जिंगला लावलेल्या मोबाइलचा स्फोट, आईसह दोन चिमुकल्यांचा मृत्यू

करूर (तामिळनाडू): चार्जिंगला लावलेल्या मोबाइलचा स्फोट होऊन लागलेल्या आगीत होरपळून आई आणि दोन चिमुकल्यांचा मृत्यू झाला. तामिळनाडूच्या करूरमध्ये ही दुर्दैवी घटना घडली. शॉर्टसर्किटमुळे आग लागल्याचा प्राथमिक अंदाज पोलिसांनी व्यक्त केला आहे.

रामनाथपुरम येथील बालकृष्णन (वय ३१) याचे मुथुलक्ष्मी (वय २१) हिच्याशी सहा वर्षांपूर्वी लग्न झाले होते. या दोघांना दर्शित (वय ३) आणि रणजित (वय २) अशी दोन मुले होती. बालकृष्णन आणि मुथुलक्ष्मी या दोघांमध्ये नेहमी भांडणे होत होती. त्यामुळे दोघेही वेगळे राहत होते. मुथुलक्ष्मी ही दोन वर्षांपूर्वी करूरमध्ये राहायला आली होती. तिच्यासोबत तिची दोन्ही मुले होती. सोमवारी सकाळी तिच्या घरातून धूर निघत असल्याचे शेजारच्या काही लोकांनी पाहिले. त्यांनी घराचा दरवाजा तोडला आणि आतमध्ये प्रवेश केला. मुथुलक्ष्मी ही होरपळली होती. तर दोन्ही मुले बेशुद्ध अवस्थेत सापडली. त्यांनी दोन्ही मुलांना उचलले आणि तात्काळ हॉस्पिटलमध्ये दाखल केले. तेथे डॉक्टरांनी दोन्ही मुलांना मृत घोषित केले.

या घटनेची माहिती मिळताच पोलीस अधिकारी आणि अग्निशमन दलाच्या बंबासह कर्मचारी घटनास्थळी पोहोचले. मुथुलक्ष्मीचा मृतदेह त्यांनी ताब्यात घेतला आणि विच्छेदनासाठी रुग्णालयात नेला. पाघलवनच्या पोलीस अधीक्षकांनी घटनास्थळी भेट देऊन पाहणी केली. पोलिसांनी सांगितले की, घरातील सर्व इलेक्ट्रॉनिक उपकरणे, त्यात मोबाइल फोन, पंखा, फ्रिज, टीव्ही हे पूर्णपणे जळून खाक झाले होते. प्राथमिक चौकशीनंतर शॉर्टसर्किटमुळे आग लागली असावी असे पोलिसांनी सांगितले. महिलेचा मृतदेह सोफ्यावर आढळून आला. तर तिच्यासमोरच तिची दोन्ही मुले बेशुद्धावस्थेत पडली होती. दोघांना रुग्णालयात नेले असता, डॉक्टरांनी त्यांना मृत घोषित केले. चार्जिंगला लावलेल्या मोबाइलचा स्फोट झाल्यामुळे आग लागल्याची चर्चा स्थानिकांमध्ये सुरू होती. मात्र, शॉर्टसर्किटमुळे आग लागल्याचा अंदाज पोलिसांनी वर्तवला.

आणखी बातम्या वाचा:

धक्कादायक! कुमारी मातेनं नवजात बाळाला ६व्या मजल्यावरून फेकलं

पत्नी सेक्स करू देत नव्हती, पतीनं गळफास घेऊन केली आत्महत्या

'तिच्या'सोबतच्या खासगी क्षणांचा व्हिडिओ प्रियकराने केला व्हायरल अन्...
लॉकडाउनमध्ये नाइट पार्टी; पोलिसांनी भररस्त्यात 'धनाढ्यां'ची काढली धींड

पुणे: पत्नी नांदायला येत नाही म्हणून वाद; जावयाने केला सासऱ्याचा खून