आदल्या रात्री 'त्या' घरात भयानक घडलं होतं, सकाळ झाली तेव्हा...

नवी दिल्ली: दिल्लीच्या पहाडगंज परिसरातील एका घरात गुरुवारी सकाळी महिला बेशुद्धावस्थेत आढळून आली होती. तिच्या मानेवर व्रण होते. रुग्णालयात नेले असता, डॉक्टरांनी तिला मृत घोषित केले. पतीचे विवाहबाह्य संबंध होते. यावरून आदल्या रात्री पत्नीसोबत त्याचा वाद झाला होता. रागाच्या भरात त्याने पत्नीची गळा आवळून हत्या केली आणि पसार झाला.

पोलिसांकडून मिळालेल्या माहितीनुसार, पहाडगंज परिसरात एका २९ वर्षीय महिलेची तिच्या पतीने गळा आवळून हत्या केली. पतीने विवाह्यबाह्य संबंध होते. यावरून त्यांच्यात भांडण झाले होते. दुसऱ्या दिवशी सकाळी ती महिला घरात निपचित पडली होती. तिला रुग्णालयात नेल्यानंतर तेथील डॉक्टरांनी मृत घोषित केले. तिचा मुलगा आजोबांच्या घरी होता आणि पती अर्ध्या रात्रीच पसार झाला होता. त्यामुळे पोलिसांना संशय आला. संशयित पतीचा फोटो घेऊन शोध सुरू केला.

संशयित आरोपी सनी हा रिक्षाचालक आहे. पोलिसांनी त्याचा शोध घेण्यासाठी ठिकठिकाणी नाकाबंदी केली. पोलिसांचे पथक रिक्षा थांबवून तपासणी करत होते. त्याचदरम्यान, सनीने रिक्षा मागे वळवून घेतली आणि पळून जाण्याचा प्रयत्न केला. पोलिसांनी पाठलाग करून त्याला पकडले. त्याची चौकशी केली असता, पत्नीची ओढणीने गळा आवळून हत्या केल्याची कबुली दिली. अन्य एका महिलेशी विवाहबाह्य संबंध होते. त्यावरून दोघांमध्ये भांडण झाले होते. रागाच्या भरात तिचा गळा आवळून हत्या केली, असे त्याने पोलिसांना सांगितले.

आणखी बातम्या वाचा:

विवाहित तरुणानं रचला अपहरणाचा बनाव; कारण वाचून धक्का बसेल! ठाण्यातील शिवसेना नगरसेवकाच्या मुलाची गोळ्या घालून केली हत्यापुणे: गुंगीचे औषध देऊन महिलेवर पोलीस निरीक्षकाने केला बलात्कारधक्कादायक! ६ वर्षीय विद्यार्थिनीवर वर्गातच शिक्षकाने केला बलात्कार