थरारक! तरुणाच्या डोळ्यांत मिरचीपूड फेकली, तलवारीने सपासप वार

म. टा. प्रतिनिधी, नागपूर : पूर्ववैमनस्यातून तिघांनी डोळ्यांत मिरचीपूड फेकून युवकावर चाकू व तलवारीने हल्ला केला. ही थरारक घटना खलासी लाइन येथे रविवारी रात्री १० वाजताच्या सुमारास घडली. अनिकेत मुकेश अंगलवार (वय २७, खलासी लाइन), असे जखमीचे नाव आहे. अनिकेतवर मेयो हॉस्पिटलमध्ये उपचार सुरू आहेत. त्याची प्रकृती चिंताजनक आहे. सदर पोलिसांनी उमेश ऊर्फ अम्मू मनोजकुमार पैसाडेली (वय २५, कडबी चौक), मॉरीस आरिकस्वामी फ्रान्सिस आणि फरहान ऊर्फ गट्टू फिरोज बेग (दोन्ही रा. कॅथलिक क्लब, खलासी लाइन) या तिघांविरुद्ध ठार मारण्याचा प्रयत्न केल्याचा गुन्हा दाखल केला.

पोलिसांनी दिलेल्या माहितीनुसार, चार दिवसांपूर्वी अनिकेतचा उमेशसोबत वाद झाला. दोघांनी एकमेकांना ठार मारण्याची धमकी दिली होती. रविवारी रात्री उमेश व त्याच्या तीन सहकाऱ्यांनी अनिकेतला गाठले. डोळ्यांत मिरचीपूड फेकून अनिकेतच्या पोटावर मानेवर व पाठीवर चाकू व तलवारीने सपासप वार केले. अनिकेत रक्ताच्या थारोळ्यात खाली पडला. हल्लेखोर पसार झालेत. घटनेची माहिती मिळताच सदर पोलिसांचा ताफा तेथे पोहोचला. पोलिसांनी जखमीला मेयो हॉस्पिटलमध्ये दाखल केले. पोलिसांनी गुन्हा दाखल करून हल्लेखोरांचा शोध सुरू केला आहे.

मानकापूरमधील मुलगी बेपत्ता

मानकापूरमध्ये राहणारी १४ वर्षीय मुलगी बेपत्ता झाली. रविवारी सकाळी मुलगी घरून निघाली. घरी परतली नाही. याप्रकरणी मानकापूर पोलिसांनी अपहरणाचा गुन्हा दाखल करून मुलीचा शोध सुरू केला आहे.

विवाहितेची आत्महत्या

रमाईनगर येथे ४० वर्षीय विवाहितेने गळफास घेऊन आत्महत्या केली. ही घटना रविवारी सायंकाळी उघडकीस आली. कल्पना रामदास खोब्रागडे, असे मृतकाचे नाव आहे. कल्पना यांनी लोखंडी हुकला दुपट्टा बांधून गळफास घेतला. कौटुंबिक कलहातून त्यांची आत्महत्या केल्याची माहिती आहे. यशोधरानगर पोलिसांनी आकस्मिक मृत्यूची नोंद करून तपास सुरू केला आहे.

आणखी बातम्या वाचा:

तरुणीवर तृतीयपंथीयाने केले अनैसर्गिक अत्याचार पुण्यातील पोलीस मुख्यालयात महिला पोलिसांमध्ये हाणामारीसविनय कायदेभंग: लोकल प्रवास अंगलट, मनसे नेते संदीप देशपांडेंसह चौघांना अटककरोनामुळे संसार उद्ध्वस्त, १० महिन्यांपूर्वी लग्न झालेल्या पती-पत्नीनं केली आत्महत्याकरोना रुग्णाला भेटण्यापासून रोखले, पतीनं पत्नीवर झाडली गोळी