दक्ष रहा

डॉ. नीरज खन्ना, जनरल सर्जन

हेपेटायटिस या विकारात यकृताचा दाह होतो आणि त्याला सूज येते. हा एक प्रकारचा विषाणूचा प्रादुर्भाव आहे. हा प्रादुर्भाव झाल्याने यकृताच्या कार्यक्षमतेवर परिणाम होतो. हेपेटायटिस ए, हेपेटायटिस बी, हेपेटायटिस सी आणि हेपेटायटिस इ हे सामान्यपणे आढळणारे हेपेटायटिसचे प्रकार आहेत.
विषाणू संसर्गामुळे होणारा हेपेटायटिस हे यकृताचा कर्करोग होण्यामागचे प्रमुख कारण आहे. याच प्रकारच्या हेपेटायटिसमुळे जगात सर्वाधिक यकृत प्रत्यारोपणे होतात.
हेपेटायटिस बी हा जगभरात पसरलेला साथीचा आजार असून सुमारे ३७ कोटी रुग्णांना याची लागण झाली आहे आणि या प्रकारच्या हेपेटायटिसमुळे वर्षाला १० लाख व्यक्तींचा मृत्यू होतो.
हेपेटायटिसची लागण झालेल्या काही जणांमध्ये लक्षणे दिसून येत नाही. काहींमध्ये ती दिसून येतात. ती खालीप्रमाणे
-भूक न लागणे
-मळमळणे आणि उलट्या
-अतिसार
-गडद रंगाची लघवी आणि पांढुरक्या रंगाची विष्ठा
-पोटदुखी
-कावीळ, त्वचा व डोळे पिवळसर होणे