बैजू पाटील
औरंगाबादची मान अनेकांनी जगभर उंच करणाऱ्यापैकी एक म्हणजे छायाचित्रकार बैजू पाटील. बैजू यांना नुकताच वाइल्ड लाइफ श्रेणीतील मानाचा असा ‘शूट ऑफ द फ्रेम’ पुरस्कार मिळाला. डिसेंबरमध्ये ऑस्ट्रेलियात तो दिला जाईल. जगभरातील साडेसतरा हजार छायाचित्रांवर मात करून बैजूंनी ही कमाल केली. पिसारा फुलवून नाचणाऱ्या मोरासमोर पर्यटकांनी आरडाओरडा केल्यानं एक भांबावलेलं अस्वल येतं.. ही छबी त्यांनी रणथंभोर राष्ट्रीय अभयारण्यात टिपली. खरंतर बैजू चित्रकार. औरंगाबादला येणाऱ्या परदेशी पाहुण्यांच्या गळ्यातला कॅमेरा त्यांनी पाहिला आणि तो त्यांचा श्वास झाला. या कॅमेऱ्याच्या वेडापायी त्यांनी नाही ते अचाट केलं. ते स्वत:चेच गुरू बनले. मादीवरून दोन सरड्यांमध्ये जुंपलेली झुंज बैजूंनी तीन वर्षांच्या प्रयत्नांनी टिपली. या फोटोला ‘कॅनन बेटर फोटोग्राफी फोटोग्राफर ऑफ द इअर’ पुरस्कार मिळाला. ७० हजार छायाचित्रांतून ही निवड झाली. लडाखमधील पेंगाँग तळ्यात जगातून पक्षी येतात. इथं बैजू कमरेइतक्या पाण्यात उतरले. ट्रायपॉड लावला. अर्ध्या तासानं छबी मिळाली. तोवर बैजूंचे हातपाय बर्फगार पाण्यात ताठले. मग त्यांना उचलून न्यावं लागलं. भरतपूर अभयारण्यात पाणकावळा माशाला गिळत होता. या कावळ्यापेक्षा मासा मोठा. त्यामुळं कावळा तोंड वासून मोठं करतो. फक्त क्षणभर मासा बाहेर येतो. तो क्षण टिपताना त्यांनी आठ दिवस खर्ची घातले. या चित्राला ‘बेस्ट वर्ल्ड लाइफ फोटोग्राफर ऑफ द इअर’ पुरस्कार मिळाला. २०१७मध्ये त्यांना एकाच छायाचित्रासाठी तीन पुरस्कार मिळाले. ते होतं राजस्थानातल्या ताल छापर अभयारण्यातलं. दोन दिवसांचं हरणाचं पाडस आईमागं धावतंय. तेव्हा गरूड पावसावर झडप घालतो. पाडस सुटतं. ‘डेथ ऑन विंग्ज’ नावाची ही छबी. बैजू असं अफलातून शोधतात. त्यांच्या अशा धडपडीलाच हा पुरस्कार मिळाला आहे.
औरंगाबादची मान अनेकांनी जगभर उंच करणाऱ्यापैकी एक म्हणजे छायाचित्रकार बैजू पाटील. बैजू यांना नुकताच वाइल्ड लाइफ श्रेणीतील मानाचा असा ‘शूट ऑफ द फ्रेम’ पुरस्कार मिळाला. डिसेंबरमध्ये ऑस्ट्रेलियात तो दिला जाईल. जगभरातील साडेसतरा हजार छायाचित्रांवर मात करून बैजूंनी ही कमाल केली. पिसारा फुलवून नाचणाऱ्या मोरासमोर पर्यटकांनी आरडाओरडा केल्यानं एक भांबावलेलं अस्वल येतं.. ही छबी त्यांनी रणथंभोर राष्ट्रीय अभयारण्यात टिपली. खरंतर बैजू चित्रकार. औरंगाबादला येणाऱ्या परदेशी पाहुण्यांच्या गळ्यातला कॅमेरा त्यांनी पाहिला आणि तो त्यांचा श्वास झाला. या कॅमेऱ्याच्या वेडापायी त्यांनी नाही ते अचाट केलं. ते स्वत:चेच गुरू बनले. मादीवरून दोन सरड्यांमध्ये जुंपलेली झुंज बैजूंनी तीन वर्षांच्या प्रयत्नांनी टिपली. या फोटोला ‘कॅनन बेटर फोटोग्राफी फोटोग्राफर ऑफ द इअर’ पुरस्कार मिळाला. ७० हजार छायाचित्रांतून ही निवड झाली. लडाखमधील पेंगाँग तळ्यात जगातून पक्षी येतात. इथं बैजू कमरेइतक्या पाण्यात उतरले. ट्रायपॉड लावला. अर्ध्या तासानं छबी मिळाली. तोवर बैजूंचे हातपाय बर्फगार पाण्यात ताठले. मग त्यांना उचलून न्यावं लागलं. भरतपूर अभयारण्यात पाणकावळा माशाला गिळत होता. या कावळ्यापेक्षा मासा मोठा. त्यामुळं कावळा तोंड वासून मोठं करतो. फक्त क्षणभर मासा बाहेर येतो. तो क्षण टिपताना त्यांनी आठ दिवस खर्ची घातले. या चित्राला ‘बेस्ट वर्ल्ड लाइफ फोटोग्राफर ऑफ द इअर’ पुरस्कार मिळाला. २०१७मध्ये त्यांना एकाच छायाचित्रासाठी तीन पुरस्कार मिळाले. ते होतं राजस्थानातल्या ताल छापर अभयारण्यातलं. दोन दिवसांचं हरणाचं पाडस आईमागं धावतंय. तेव्हा गरूड पावसावर झडप घालतो. पाडस सुटतं. ‘डेथ ऑन विंग्ज’ नावाची ही छबी. बैजू असं अफलातून शोधतात. त्यांच्या अशा धडपडीलाच हा पुरस्कार मिळाला आहे.