>> रमेश पोवार
तीन वर्षांपूर्वी क्रिकेटमधून निवृत्ती घेतल्यानंतर मुंबईकर रमेश पोवारच्या नावाची क्रिकेटच्या वर्तुळात पुन्हा चर्चा सुरू झाली. मुंबई क्रिकेट असोसिएशनच्या अकादमीतून फिरकी गोलंदाजी प्रशिक्षक म्हणून राजीनामा दिल्यानंतर ते आता भारतीय महिला संघाचा प्रशिक्षक होईपर्यंत रमेश पोवार वेगवेगळ्या माध्यमातून बातम्यांमध्ये येत राहिला.
ऑफस्पिनर म्हणून ३१ वनडे आणि २ कसोटी सामन्यात खेळलेल्या या मुंबईकर खेळाडूचा एमसीए अकादमीसाठी योग्य पद्धतीने उपयोग करून घेतला गेला नाही आणि स्वाभाविकपणे जिथे काहीतरी करून दाखविण्याची संधी मिळेल, त्या शोधात तो राहिला. त्यादरम्यान, ऑस्ट्रेलियातही तो प्रशिक्षणाच्या निमित्ताने जाऊन आला. तरीही त्याला बहुधा खुणावत होते ते भारतातले क्रिकेटच. मुंबई रणजी क्रिकेट संघासाठी प्रशिक्षकाची जागा रिकामी असल्यामुळे रमेशने त्यासाठी अर्ज केला. अर्थात, राजीनामा देऊन मुंबई क्रिकेटमधून बाहेर पडल्यामुळे कदाचित प्रशिक्षकपदाची माळ त्याच्या गळ्यात घातली गेली नाही. त्या दरम्यान, भारताचा महिला क्रिकेट संघही प्रशिक्षकाच्या शोधात होता आणि रमेशच्या रूपात त्यांना नवा प्रशिक्षक लाभला. गेल्या वर्षी वनडे वर्ल्डकपच्या अंतिम फेरीपर्यंत पोहोचलेल्या महिला संघांकडून क्रिकेटचाहत्यांच्या अपेक्षा वाढलेल्या असताना रमेशवर सोपविण्यात आलेली जबाबदारी तेवढीच आव्हानात्मक म्हणायला हवी. तो मुंबई संघाचा नेहमीच अविभाज्य भाग राहिला. एक गोलंदाज म्हणूनही आणि तळाला टिच्चून फलंदाजी करणारा म्हणूनही.
२००२-०३ हा हंगाम त्याच्या कारकीर्दीला कलाटणी देणारा ठरला. त्यावेळी स्थानिक क्रिकेटमध्ये केलेल्या कामगिरीमुळे त्याला पाकिस्तान दौऱ्यासाठी भारतीय संघात स्थान मिळाले. ड्रिफ्टर हे नवे अस्त्र त्याच्या भात्यात जमा झाले आणि २००६मध्ये तो पुन्हा भारतीय संघात परतला. एक खेळाडू म्हणून तो आंतरराष्ट्रीय स्तरावर भरपूर क्रिकेट खेळू शकला नसला तरी महिला संघाचा राष्ट्रीय प्रशिक्षक म्हणून आंतरराष्ट्रीय स्तरावर ठसा उमटविण्याची त्याला नामी संधी आहे.
तीन वर्षांपूर्वी क्रिकेटमधून निवृत्ती घेतल्यानंतर मुंबईकर रमेश पोवारच्या नावाची क्रिकेटच्या वर्तुळात पुन्हा चर्चा सुरू झाली. मुंबई क्रिकेट असोसिएशनच्या अकादमीतून फिरकी गोलंदाजी प्रशिक्षक म्हणून राजीनामा दिल्यानंतर ते आता भारतीय महिला संघाचा प्रशिक्षक होईपर्यंत रमेश पोवार वेगवेगळ्या माध्यमातून बातम्यांमध्ये येत राहिला.
ऑफस्पिनर म्हणून ३१ वनडे आणि २ कसोटी सामन्यात खेळलेल्या या मुंबईकर खेळाडूचा एमसीए अकादमीसाठी योग्य पद्धतीने उपयोग करून घेतला गेला नाही आणि स्वाभाविकपणे जिथे काहीतरी करून दाखविण्याची संधी मिळेल, त्या शोधात तो राहिला. त्यादरम्यान, ऑस्ट्रेलियातही तो प्रशिक्षणाच्या निमित्ताने जाऊन आला. तरीही त्याला बहुधा खुणावत होते ते भारतातले क्रिकेटच. मुंबई रणजी क्रिकेट संघासाठी प्रशिक्षकाची जागा रिकामी असल्यामुळे रमेशने त्यासाठी अर्ज केला. अर्थात, राजीनामा देऊन मुंबई क्रिकेटमधून बाहेर पडल्यामुळे कदाचित प्रशिक्षकपदाची माळ त्याच्या गळ्यात घातली गेली नाही. त्या दरम्यान, भारताचा महिला क्रिकेट संघही प्रशिक्षकाच्या शोधात होता आणि रमेशच्या रूपात त्यांना नवा प्रशिक्षक लाभला. गेल्या वर्षी वनडे वर्ल्डकपच्या अंतिम फेरीपर्यंत पोहोचलेल्या महिला संघांकडून क्रिकेटचाहत्यांच्या अपेक्षा वाढलेल्या असताना रमेशवर सोपविण्यात आलेली जबाबदारी तेवढीच आव्हानात्मक म्हणायला हवी. तो मुंबई संघाचा नेहमीच अविभाज्य भाग राहिला. एक गोलंदाज म्हणूनही आणि तळाला टिच्चून फलंदाजी करणारा म्हणूनही.
२००२-०३ हा हंगाम त्याच्या कारकीर्दीला कलाटणी देणारा ठरला. त्यावेळी स्थानिक क्रिकेटमध्ये केलेल्या कामगिरीमुळे त्याला पाकिस्तान दौऱ्यासाठी भारतीय संघात स्थान मिळाले. ड्रिफ्टर हे नवे अस्त्र त्याच्या भात्यात जमा झाले आणि २००६मध्ये तो पुन्हा भारतीय संघात परतला. एक खेळाडू म्हणून तो आंतरराष्ट्रीय स्तरावर भरपूर क्रिकेट खेळू शकला नसला तरी महिला संघाचा राष्ट्रीय प्रशिक्षक म्हणून आंतरराष्ट्रीय स्तरावर ठसा उमटविण्याची त्याला नामी संधी आहे.