डॉ. श्रीकांत बहुलकर
पुण्यातील भांडारकर प्राच्यविद्या संशोधन संस्थेचे मानद सचिव डॉ. श्रीकांत बहुलकर यांना महामहोपाध्याय पां. वा. काणे स्मृती सुवर्णपदक जाहीर करून एशियाटिक सोसायटीने त्यांच्या विद्वत्तेचा यथोचित गौरव केला आहे. वेदांबाबतचे संशोधन; तसेच धर्मशास्त्र आणि काव्यशास्त्र यांच्या संदर्भातील अभिजात संस्कृतमधील लक्षणीय योगदानासाठी हे सुवर्णपदक दिले जाते. गेली चाळीस वर्षे संस्कृत, तिबेटन लिपी, संहिता, तसेच संशोधन क्षेत्रात कार्यरत असणाऱ्या डॉ. बहुलकरांच्या योगदानाला याद्वारे योग्य अशी पोचपावतीच मिळाली आहे. त्यांचे मूळ गाव पुणे जिल्ह्यातील खेड तालुक्यातील बहुळ. अथर्ववेदातील भैषज्य (औषधीशास्त्र) या विषयावर संशोधन केलेल्या बहुलकरांनी डॉक्टरेट पूर्ण झाल्यानंतर जपानमध्ये तिबेटी औषधीशास्त्राचा अभ्यास केला. त्यासाठी ते तिबेटी भाषा शिकले. त्यानंतर त्यांनी ‘वज्रयान’ या बौद्ध पंथाचा सखोल अभ्यास केला. वेद आणि बौद्ध तंत्र या दोन्ही विषयांत संशोधन करणारे जगातील ते एकमेव विद्वान असावेत. टिळक महाराष्ट्र विद्यापीठाच्या बालमुकुंद संस्कृत महाविद्यालयाचे प्राचार्य, सारनाथ येथील केंद्रीय विद्यापीठाच्या दुर्मीळ बौद्ध हस्तलिखित संशोधन विभागाचे प्रमुख संपादक म्हणून त्यांनी काम पाहिले आहे. हार्वर्ड विद्यापीठाच्या डिव्हिनिटी स्कूलमध्ये त्यांना मानद प्राध्यापक पद देण्यात आले होते. ऑक्सफर्ड विद्यापीठाच्या हिंदू अध्ययन केंद्रामध्येही अभ्यागत प्राध्यापक म्हणून त्यांनी काम केले आहे. जगभरातील विविध विद्यापीठांत आणि महाविद्यालयांत व्याख्याने, चर्चासत्रे यांसाठी फिरणाऱ्या डॉ. बहुलकर यांच्या संशोधनाचा दबदबा जगभर आहे. साहित्य अकादमीने त्यांना अभिजात आणि मध्ययुगीन साहित्याबद्दल भाषा सन्मान पुरस्कार दिला आहे. प्रसन्न आणि स्वागतशील व्यक्तिमत्वामुळे विद्यार्थ्यांमध्ये ‘हक्काचे आप्त’ असा सार्थ लौकिक असणाऱ्या डॉ. बहुलकर यांना मिळालेला हा सन्मान त्यांच्या आजवरच्या कर्तृत्वावर मुद्रा उमटविणारा आहे.
पुण्यातील भांडारकर प्राच्यविद्या संशोधन संस्थेचे मानद सचिव डॉ. श्रीकांत बहुलकर यांना महामहोपाध्याय पां. वा. काणे स्मृती सुवर्णपदक जाहीर करून एशियाटिक सोसायटीने त्यांच्या विद्वत्तेचा यथोचित गौरव केला आहे. वेदांबाबतचे संशोधन; तसेच धर्मशास्त्र आणि काव्यशास्त्र यांच्या संदर्भातील अभिजात संस्कृतमधील लक्षणीय योगदानासाठी हे सुवर्णपदक दिले जाते. गेली चाळीस वर्षे संस्कृत, तिबेटन लिपी, संहिता, तसेच संशोधन क्षेत्रात कार्यरत असणाऱ्या डॉ. बहुलकरांच्या योगदानाला याद्वारे योग्य अशी पोचपावतीच मिळाली आहे. त्यांचे मूळ गाव पुणे जिल्ह्यातील खेड तालुक्यातील बहुळ. अथर्ववेदातील भैषज्य (औषधीशास्त्र) या विषयावर संशोधन केलेल्या बहुलकरांनी डॉक्टरेट पूर्ण झाल्यानंतर जपानमध्ये तिबेटी औषधीशास्त्राचा अभ्यास केला. त्यासाठी ते तिबेटी भाषा शिकले. त्यानंतर त्यांनी ‘वज्रयान’ या बौद्ध पंथाचा सखोल अभ्यास केला. वेद आणि बौद्ध तंत्र या दोन्ही विषयांत संशोधन करणारे जगातील ते एकमेव विद्वान असावेत. टिळक महाराष्ट्र विद्यापीठाच्या बालमुकुंद संस्कृत महाविद्यालयाचे प्राचार्य, सारनाथ येथील केंद्रीय विद्यापीठाच्या दुर्मीळ बौद्ध हस्तलिखित संशोधन विभागाचे प्रमुख संपादक म्हणून त्यांनी काम पाहिले आहे. हार्वर्ड विद्यापीठाच्या डिव्हिनिटी स्कूलमध्ये त्यांना मानद प्राध्यापक पद देण्यात आले होते. ऑक्सफर्ड विद्यापीठाच्या हिंदू अध्ययन केंद्रामध्येही अभ्यागत प्राध्यापक म्हणून त्यांनी काम केले आहे. जगभरातील विविध विद्यापीठांत आणि महाविद्यालयांत व्याख्याने, चर्चासत्रे यांसाठी फिरणाऱ्या डॉ. बहुलकर यांच्या संशोधनाचा दबदबा जगभर आहे. साहित्य अकादमीने त्यांना अभिजात आणि मध्ययुगीन साहित्याबद्दल भाषा सन्मान पुरस्कार दिला आहे. प्रसन्न आणि स्वागतशील व्यक्तिमत्वामुळे विद्यार्थ्यांमध्ये ‘हक्काचे आप्त’ असा सार्थ लौकिक असणाऱ्या डॉ. बहुलकर यांना मिळालेला हा सन्मान त्यांच्या आजवरच्या कर्तृत्वावर मुद्रा उमटविणारा आहे.