जगातील पहिला 'सोलार हायवे'

जगातील पहिला 'सोलार हायवे' बनविण्यात फ्रान्स हा देश यशस्वी ठरला आहे. स्वतंत्र ऊर्जेचा स्त्रोत म्हणून फ्रान्समधील नॉर्मंडी भागातील एका छोट्या 'टुरिव्हरा' गावात सोलार पॅनेलने आच्छादलेला पक्का रस्ता बनविण्यात आला आहे. नुकतेच या 'सोलार हायवे'चे उद्घाटनही करण्यात आले. या सोलार हायवेचे वैशिष्ट्य म्हणजे गावातील सर्व रस्त्यांवरील दिवे उजळण्याची सोलार क्षमता त्यात आहे. ऊर्जेच्या बाबतीत स्वतंत्र होण्यासाठी भविष्यात अनेक देश या संकल्पनेचा अवलंब करतील, यात शंका नाही. फ्रान्सच्या पाठोपाठ अनेक देशांनी त्या दिशेने पावलेही उचलली आहेत. मात्र ऊर्जेचा प्रश्न सोडविणाऱ्या या सोलार हायवेचे जसे फायदे आहेत तसे काही प्रमाणात तोटेही असल्याचे तज्ञ सांगत आहेत. पण भविष्यात या तंत्रज्ञानात आणखी सुधारणा होऊन ऊर्जेचा मोठा तुटवडा असणाऱ्या भारतासारख्या आपल्या देशातही सोलार हायवे दिसण्याची अपेक्षा तुर्तास करायला हरकत नाही... पाहा हा इन्फोग्राफ...