राज्यात अॅट्रॉसिटीच्या गुन्ह्यांमध्ये वाढ

मुंबई:

अनुसूचित जाती,जमातींच्या संरक्षणासाठी असलेल्या अॅट्रॉसिटी कायद्यातील काही तरतूदी रद्द करण्याची मागणी होत असतानाच दुसरीकडे गेल्या चार वर्षांत राज्यामध्ये अॅट्रॉसिटीच्या गुन्ह्यांमध्ये लक्षणीय वाढ झाल्याचं स्पष्ट झालंय. या गुन्ह्यांमध्ये सर्वाधिक गुन्हे बलात्काराचे नोंदवले गेले आहेत. २०१५मध्ये अनुसूचित जातींवरील अॅट्रोसिटीचे ३९९ गुन्हे नोंदवले गेले होते तर २०१७रोजी हाच आकडा ४१४वर पोहोचला आहे. त्यामुळे अनुसूचित जाती आणि जमातींविरुद्ध होणाऱ्या अन्यायाला चाप बसवण्यासाठी महत्त्वपूर्ण पाऊलं उचलण्याची गरज पुन्हा एकदा अधोरेखित झाली आहे.