म. टा. खास प्रतिनिधी, मुंबई महापालिकेने मोठा गाजावाजा करत राणीबागमध्ये कोरीयातून आठ हॅम्बोल्ट पेंग्विन पक्षी आणले आहेत. मात्र वाघ, सिंह, चित्ता या महत्त्वाच्या प्राण्यांसाठी मुंबईकरांची प्रतीक्षा अद्याप संपलेली नाही. राणीबाग प्राणीसंग्रहालयाच्या नुतनीकरणानंतर नवीन प्राणी येणार असल्याचे प्रशासनाने स्पष्ट केले आहे. मात्र, अनेक वर्षांपासून हे नुतनीकरणही रखडले आहे. राणीबागमध्ये सध्या तीन पाणघोडे, ४० हरणे, ५० काळवीट, १० सांबर, दोन हत्ती, सात मगरी, तीन सुसरी, दोन तरस, चार इमू, चार निलगाय, २५ काकर हरणे, १० साप, दोन चौगशी हरणे, १० ढोक, चार सारसपक्षी, १५ ऑस्ट्रेलियन पोपट, एक अस्वल आणि २० माकडे आहेत. तर मागील अनेक वर्षांपासून वाघ, सिंह, चित्ता, घोडा, उंट, कांगारू, चिंपाझी, जिराफ, मोर, लांडगे, कोल्हे, डुक्कर, रानमांजर, रानगाय, राजहंस, साळिंदर, सफेद हरीण, हे प्राणी नाहीत.
पेंग्विन आले, वाघ-सिंह केव्हा?
महापालिकेने मोठा गाजावाजा करत राणीबागमध्ये कोरीयातून आठ हॅम्बोल्ट पेंग्विन पक्षी आणले आहेत. मात्र वाघ, सिंह, चित्ता या महत्त्वाच्या प्राण्यांसाठी मुंबईकरांची प्रतीक्षा अद्याप संपलेली नाही.
Maharashtra Times 31 Jul 2016, 4:00 am