जीवनाचं सार सांगणारी कविता
'शब्द माझे सांगाती' हा रत्नाताई चौधरी यांचा नवीन कवितासंग्रह. या संग्रहातील कविता म्हणजे रोजच्या जगण्यातील अनुभवांचा सातबारा आहे. आयु्यातील सुखदु:खांचे चढउतार, भावभावनांची गर्दी यांचा ही कविता सुरेख मागोवा घेते. यातील अनुभव खरंतर कवयित्रीचे, परंतु ते संपूर्ण समष्टीचे वाटावेत एवढा विस्तीर्ण अवकाश या कवितेचा आहे. कवितेत कुठेही क्लिष्टता नाही, परंतु त्यामुळे कवितेचं श्रेष्ठत्व उणावत नाही. उलट कवयित्री अतिशय सोप्या भाषेत जगण्याचं सार सांगून जाते आणि हेच या कवितासंग्रहाचं यश आहे.
शब्द माझे सांगाती / रत्नाताई चौधरी / आनंदघन प्रकाशन / मुखपृष्ठ : सतीश खानविलकर / पृष्ठं : ४४ / किंमत : २०० रु.
विज्ञानाच्या अवकाशातील कथा
मराठीत विज्ञानसाहित्य तुलनेने फार कमी प्रमाणात लिहिलं जातं. जयंत नारळीकर, लक्ष्मण लोंढे, सुबोध जावडेकर, निरंजन घाटे अशी काही मोजकीच नावं यात सापडतात. त्यात आता धर्मराज माहूलकर या नावाची भर पडली आहे. माहूलकर यांचा 'प्रेम ग्रहांतरीचे' हा कथासंग्रह नुकताच प्रकाशित झाला आहे. या संग्रहात एकूण सहा कथा असून त्यांचे विषय खरेतर रोजच्या आयुष्यातलेच आहेत, पण त्यांचा अवकाश मात्र विज्ञानाचा आहे. त्यामुळे या कथा वाचताना वाचक एका वेगळ्याच विश्वात जातो.
प्रेम ग्रहांतरीचे / धर्मराज माहूलकर / श्रीरेणुका प्रकाशन / पृष्ठं : ९६ / किंमत : १२० रु.
एका जिद्दीची गोष्ट
प्रा. मनोरमा जिलठे यांचे 'क्षितीज ओलांडताना' हे आत्मकथनात्मक पुस्तक म्हणजे, त्यांच्या व त्यांच्या आईच्या जिद्दीची कथा आहे. जिलठे यांचे याआधीचे 'माझे अमेरिकेतील दिवस' हे पुस्तकदेखील नावाजले होते. मोठा बारदाना असलेल्या कुटुंबात झालेला जन्म, परंतु मुलाने आपल्या इच्छेविरुद्ध लग्न केल्यामुळे आजीने लेखिकेच्या वडिलांना इस्टेटीतला काहीही न दिलेला वाटा आणि परिणामी लेखिकेच्या आई-वडिलांवर जगण्यासाठी संघर्ष करायची आलेली वेळ, या साऱ्याचा अतिशय हिमतीने लेखिकेने वेध घेतला आहे आणि तो अतिशय वाचनीय आहे.
क्षितीज ओलांडताना / प्रा. मनोरमा जिलठे / कैलाश पब्लिकेशन / मुखपृष्ठ : सरदार जाधव / पृष्ठं : ६४ / किंमत : १०० रु.
'शब्द माझे सांगाती' हा रत्नाताई चौधरी यांचा नवीन कवितासंग्रह. या संग्रहातील कविता म्हणजे रोजच्या जगण्यातील अनुभवांचा सातबारा आहे. आयु्यातील सुखदु:खांचे चढउतार, भावभावनांची गर्दी यांचा ही कविता सुरेख मागोवा घेते. यातील अनुभव खरंतर कवयित्रीचे, परंतु ते संपूर्ण समष्टीचे वाटावेत एवढा विस्तीर्ण अवकाश या कवितेचा आहे. कवितेत कुठेही क्लिष्टता नाही, परंतु त्यामुळे कवितेचं श्रेष्ठत्व उणावत नाही. उलट कवयित्री अतिशय सोप्या भाषेत जगण्याचं सार सांगून जाते आणि हेच या कवितासंग्रहाचं यश आहे.
शब्द माझे सांगाती / रत्नाताई चौधरी / आनंदघन प्रकाशन / मुखपृष्ठ : सतीश खानविलकर / पृष्ठं : ४४ / किंमत : २०० रु.
विज्ञानाच्या अवकाशातील कथा
मराठीत विज्ञानसाहित्य तुलनेने फार कमी प्रमाणात लिहिलं जातं. जयंत नारळीकर, लक्ष्मण लोंढे, सुबोध जावडेकर, निरंजन घाटे अशी काही मोजकीच नावं यात सापडतात. त्यात आता धर्मराज माहूलकर या नावाची भर पडली आहे. माहूलकर यांचा 'प्रेम ग्रहांतरीचे' हा कथासंग्रह नुकताच प्रकाशित झाला आहे. या संग्रहात एकूण सहा कथा असून त्यांचे विषय खरेतर रोजच्या आयुष्यातलेच आहेत, पण त्यांचा अवकाश मात्र विज्ञानाचा आहे. त्यामुळे या कथा वाचताना वाचक एका वेगळ्याच विश्वात जातो.
प्रेम ग्रहांतरीचे / धर्मराज माहूलकर / श्रीरेणुका प्रकाशन / पृष्ठं : ९६ / किंमत : १२० रु.
एका जिद्दीची गोष्ट
प्रा. मनोरमा जिलठे यांचे 'क्षितीज ओलांडताना' हे आत्मकथनात्मक पुस्तक म्हणजे, त्यांच्या व त्यांच्या आईच्या जिद्दीची कथा आहे. जिलठे यांचे याआधीचे 'माझे अमेरिकेतील दिवस' हे पुस्तकदेखील नावाजले होते. मोठा बारदाना असलेल्या कुटुंबात झालेला जन्म, परंतु मुलाने आपल्या इच्छेविरुद्ध लग्न केल्यामुळे आजीने लेखिकेच्या वडिलांना इस्टेटीतला काहीही न दिलेला वाटा आणि परिणामी लेखिकेच्या आई-वडिलांवर जगण्यासाठी संघर्ष करायची आलेली वेळ, या साऱ्याचा अतिशय हिमतीने लेखिकेने वेध घेतला आहे आणि तो अतिशय वाचनीय आहे.
क्षितीज ओलांडताना / प्रा. मनोरमा जिलठे / कैलाश पब्लिकेशन / मुखपृष्ठ : सरदार जाधव / पृष्ठं : ६४ / किंमत : १०० रु.