स्लग - चविष्ट
...
नावडत्या भाज्यांमध्ये एक हमखास आढळणारं नाव म्हणजे-गवार. काहीशी तुरट चव असणारी गवारीची भाजी कुणालाच फारशी आवडत नाही. पण खरं सांगायचं तर गवारीची भाजी खूप छान लागते, फक्त ती तुम्ही कशी करता, त्यावर सगळं काही अवलंबून असतं. म्हणूनच साधारणपणे नगर-औरंगाबादकडे केली जाणारी ही गवारीची भाजी पुन्हा एकदा करुन पाहा-
साहित्य - पाव किलो गवार, एक मोठा कांदा, दोन पळ्या तेल, अर्धी वाटी भाजलेल्या शेंगदाण्यांचा कूट, दोन चमचे लाल तिखट, अर्धा चमचा हळद, फोडणीसाठी जिरं-मोहरी, चवीपुरतं मीठ आणि नावाला साखर.
कृती - सगळ्यात आधी गवार साफ करुन तिचे बोटांच्या पेराएवढे तुकडे करुन घ्या. नंतर पसरट भांड्यात तेल घेऊन ते तापल्यावर जिरं-मोहरीची चांगली फोडणी करा. मग कांदा चिरुन तो तेलावर चांगला परतून घ्या. त्यानंतर हळद आणि तिखट टाकून तेही परतून घ्या. कडेने तेल सुटू लागल्यावर गवारीची भाजी टाका आणि झाकण मारुन, झाकणावर पाणी टाका. दहा मिनिटात आतल्या वाफेने भाजी शिजते. मग मीठ-साखर व दाण्याचा कूट टाकून भाजी छान ढवळा आणि पुन्हा एकदा झाकण मारुन दणदणीत वाफ काढा. या भाजीत पाणी टाकू नका. गवार वाफेवरच शिजली पाहिजे, तरच ती चवीला छान लागते. यातल्या लाल तिखटामुळे भाजीला छान रंग येतो आणि दाण्याच्या कुटामुळे ती चवीलाही छान लागते.
- सावित्री सातपुते, भांडूप
...
नावडत्या भाज्यांमध्ये एक हमखास आढळणारं नाव म्हणजे-गवार. काहीशी तुरट चव असणारी गवारीची भाजी कुणालाच फारशी आवडत नाही. पण खरं सांगायचं तर गवारीची भाजी खूप छान लागते, फक्त ती तुम्ही कशी करता, त्यावर सगळं काही अवलंबून असतं. म्हणूनच साधारणपणे नगर-औरंगाबादकडे केली जाणारी ही गवारीची भाजी पुन्हा एकदा करुन पाहा-
साहित्य - पाव किलो गवार, एक मोठा कांदा, दोन पळ्या तेल, अर्धी वाटी भाजलेल्या शेंगदाण्यांचा कूट, दोन चमचे लाल तिखट, अर्धा चमचा हळद, फोडणीसाठी जिरं-मोहरी, चवीपुरतं मीठ आणि नावाला साखर.
कृती - सगळ्यात आधी गवार साफ करुन तिचे बोटांच्या पेराएवढे तुकडे करुन घ्या. नंतर पसरट भांड्यात तेल घेऊन ते तापल्यावर जिरं-मोहरीची चांगली फोडणी करा. मग कांदा चिरुन तो तेलावर चांगला परतून घ्या. त्यानंतर हळद आणि तिखट टाकून तेही परतून घ्या. कडेने तेल सुटू लागल्यावर गवारीची भाजी टाका आणि झाकण मारुन, झाकणावर पाणी टाका. दहा मिनिटात आतल्या वाफेने भाजी शिजते. मग मीठ-साखर व दाण्याचा कूट टाकून भाजी छान ढवळा आणि पुन्हा एकदा झाकण मारुन दणदणीत वाफ काढा. या भाजीत पाणी टाकू नका. गवार वाफेवरच शिजली पाहिजे, तरच ती चवीला छान लागते. यातल्या लाल तिखटामुळे भाजीला छान रंग येतो आणि दाण्याच्या कुटामुळे ती चवीलाही छान लागते.
- सावित्री सातपुते, भांडूप