स्लग - किचनपुरुष
...
साहित्य : १ वाटी भिजलेले काबुली चणे, १ मोठा उकडलेला बटाटा, १ वाटी ओट्स, कोथिंबीर, आलं, मिरची, लसूण, १ चमचा जिरे-धणे पावडर, लाल तिखट, हळद, गरम मसाला, चवीनुसार मीठ, तेल.
कृती : प्रथम भिजलेले काबुली चणे कुकरमध्ये उकडून घ्यावे. नंतर आले, लसूण, मिरची, कोथिंबीर, जिरे व काबुली चणे मिक्सरमध्ये वाटून घ्यावे. एका पॅनमध्ये ओट्स, दोन मिनिटे बारीक गॅसवर भाजून घ्यावे व नंतर मिक्सरमध्ये पावडर बनविणे. एका बाऊलमध्ये उकडलेला बटाटा, वाटलेले मिश्रण, ओट्स पावडर व हळद, लाल तिखट, धणे पावडर, गरम मसाला व चवीनुसार मीठ एकजीव करावे व त्याची टिक्की बनवावी. एक नॉनस्टिक पॅन गॅसवर गरम करून ठेवावा. पॅन गरम झाल्यावर एक चमचा तेल टाकावे (तेलाचा वापर कमी करावा). तेल गरम झाल्यावर त्यात तयार केलेली टिक्की सोडावी व दोन्ही बाजूंनी लाल रंगावर भाजून घ्यावी. नंत तयार झालेली टिक्की एका सर्व्हिंग डिशमध्ये काढून टोमॅटो केचपबरोबर गरमागरम सर्व्ह करावी.
- अनुराग अशोक दुदुस्कर, डोंबिवली