प्रेरणा देणारं पुस्तक

'चला, उठा जागे व्हा!' हे गिरिजा कीर यांचे छोटेखानी पुस्तक लहान मुलांसाठी अतिशय उपयुक्त आहे. लहान वयात मुलांवर संस्कार करण्याची गरज असते. खरंतर संस्कार आपोआप होत असतात. हे संस्कार अनेकदा पुस्तकं करत असतात. यासाठी हे उपयुक्त पुस्तक आहे. कारण या पुस्तकात समाजाला आदर्श ठरतील अशा व्यक्तिमत्त्वांची सुबोध ओळख करुन देण्यात आली आहे. उदाहरणार्थ सावित्रीबाई फुले, कस्तुरबा गांधी, झाशीची राणी, दासोपंत, संत जनाबाई... ही चरित्र छोटीच आहेत. पण महत्त्वाची आहेत. कारण ती बालमनाना प्रेरणा देणारी आहेत.

चला, उठा जागे व्हा! / लेखिका : गिरिजा कीर / भरारी प्रकाशन / पृष्ठं : ४८/ किंमत : ६० रु.