रवा-व्हेजिटेबल पकोडा : टेस्ट मे बेस्ट
सध्या पावसाची दे-धमाल सुरु आहे. असा पावसात गरम गरम भजी किंवा पकोडे नसतील, तर सगळंच व्यर्थ आहे. त्यातही यात नेहमीपेक्षा थोडं वेगळेपण असेल, तर चवीची गंमत अजून वाढेल. म्हणूनच पकोड्यांची ही खास वेगळे रेसिपी तुमच्यासाठी-
Maharashtra Times 14 Jul 2018, 11:27 am
सध्या पावसाची दे-धमाल सुरु आहे. असा पावसात गरम गरम भजी किंवा पकोडे नसतील, तर सगळंच व्यर्थ आहे. त्यातही यात नेहमीपेक्षा थोडं वेगळेपण असेल, तर चवीची गंमत अजून वाढेल. म्हणूनच पकोड्यांची ही खास वेगळे रेसिपी तुमच्यासाठी-
साहित्य : एक वाटी मध्यम रवा, अर्धी वाटी बेसन पीठ, दोन चमचे तांदूळ पीठ, दोन चमचे सोयाबीन पीठ, अर्धी वाटी शिजलेली तुरीची डाळ, एक चमचा साखर, दोन हिरव्या मिरच्या मधे उभ्या कापून बारीक तुकडे करून, एक मोठा कांदा बारीक चिरलेला, दोन गाजरांचा कीस, अर्धी वाटी स्वीटकॉर्न दाणे भरड केलेले, पाव वाटी बारीक चिरलेली कोथिंबीर, एक छोटा चमचा ओवा, एक चमचा जिरे, मीठ, हळद, हिंग, लाल तिखट व तळण्यासाठी तेल.
कृती : रवा पूर्ण बुडेल इतक्या पाण्यात अर्धा तास भिजवून ठेवावा. नंतर त्यात वरील सर्व साहित्य (पिठं व भाज्या) घालून सर्व एकत्र कालवून घ्यावं. नंतर तेल गरम करून छोट्या चमच्याने पकोडे घालून खरपूस तळून घ्यावेत. हे पकोडे अतिशय खुसखुशीत होतात. साखर व तुरीची डाळ असल्याने पकोडे तेलकट होत नाहीत. आवडत्या चिंच वा पुदिना चटणी किंवा सॉस बरोबर गरमगरम सर्व्ह करावेत.
टीप : रव्याबरोबर गाजर, बीट किंवा भोपळी मिरची, पालक आदी आवडीप्रमाणे भाज्या घालून पकोडे करता येतात.
-भाग्यश्री संजीव फडके, ठाणे
साहित्य : एक वाटी मध्यम रवा, अर्धी वाटी बेसन पीठ, दोन चमचे तांदूळ पीठ, दोन चमचे सोयाबीन पीठ, अर्धी वाटी शिजलेली तुरीची डाळ, एक चमचा साखर, दोन हिरव्या मिरच्या मधे उभ्या कापून बारीक तुकडे करून, एक मोठा कांदा बारीक चिरलेला, दोन गाजरांचा कीस, अर्धी वाटी स्वीटकॉर्न दाणे भरड केलेले, पाव वाटी बारीक चिरलेली कोथिंबीर, एक छोटा चमचा ओवा, एक चमचा जिरे, मीठ, हळद, हिंग, लाल तिखट व तळण्यासाठी तेल.
कृती : रवा पूर्ण बुडेल इतक्या पाण्यात अर्धा तास भिजवून ठेवावा. नंतर त्यात वरील सर्व साहित्य (पिठं व भाज्या) घालून सर्व एकत्र कालवून घ्यावं. नंतर तेल गरम करून छोट्या चमच्याने पकोडे घालून खरपूस तळून घ्यावेत. हे पकोडे अतिशय खुसखुशीत होतात. साखर व तुरीची डाळ असल्याने पकोडे तेलकट होत नाहीत. आवडत्या चिंच वा पुदिना चटणी किंवा सॉस बरोबर गरमगरम सर्व्ह करावेत.
टीप : रव्याबरोबर गाजर, बीट किंवा भोपळी मिरची, पालक आदी आवडीप्रमाणे भाज्या घालून पकोडे करता येतात.
-भाग्यश्री संजीव फडके, ठाणे